આજે બજેટ સત્ર દરમિયાન મહિલાઑ સાથે કોંગ્રેસ નેતાના વ્યવહાર મુદ્દે હરિયાણાના મુખ્યમંત્રી રડી પડ્યા હતા.
હરિયાણા મુખ્યમંત્રી રડી પડ્યા
હુડ્ડાએ મહિલાઓ સાથે ખેંચાવ્યું હતું ટ્રેક્ટર
ખટ્ટરે કહ્યું આખી રાત સૂઈ ના શક્યો
શું છે મામલો?
હરિયાણાના મુખ્યમંત્રી મનોહર લાલ ખટ્ટર રાજ્યના બજેટ સત્ર દરમિયાન મંગળવારે ભાવુક થઈ ગયા હતા. તેમણે કહ્યું કે મેં જ્યારે ટીવી પર જોયું કે કોંગ્રેસ નેતા ભૂપેન્દ્ર સિંહ હુડ્ડાએ પ્રદર્શન દરમિયાન ટ્રેક્ટર પર બેઠા છે અને પાર્ટીની મહિલા ધારાસભ્યો તેમને દોરડાથી ખેંચી રહી છે, મને ખૂબ દુખ થયું.
તેમણે આંસુ લૂંછતાં કહ્યું કે ભારે મન સાથે બતાવવા માંગુ છું કે કાલે મહિલા દિવસ હતો અને આખી દુનિયામાં મહિલા દિવસ ઉજવવામાં આવ્યો છે. વિધાનસભાનું સંપૂર્ણ સંચાલન પણ મહિલા પ્રત્યે સમર્પિત હતું ત્યારે અહિયાંથી મેં ટીવીમાં જોયું તો ખબર પડી કે શ્રમિકો કરતાં પણ ખરાબ વ્યવહાર મહિલાઓ સાથે કરવામાં આવ્યો.
રડતાં રડતાં કહ્યું...
તેમણે કહ્યું કે હું માનું છું કે મોંઘવારી સામે પ્રદર્શન હતું પણ જૉ મહિલા ધારાસભ્ય ટ્રેક્ટર પર બેસે અને હુડ્ડા ટ્રેક્ટર ખેંચી રહ્યા હોય તો તો વધારે સારું લાગ્યું હોત. ખટ્ટરે કહ્યું કે મારી હજુ એક વ્યથા છે. મહિલાઓ પ્રત્યે અપરાધ રોકવામાં મને વિપક્ષનો સાથ જોઈએ છે. સમાજના લોકોનો સહયોગની જરૂર છે. અમે મહિલા સામે થઈ રહેલા અપરાધોને રોકવા માંગીએ છે.
હુડ્ડાએ આપ્યો જવાબ
જોકે તે બાદ તરત જ હુડ્ડાએ જવાબ આપ્યો કે ખેડૂત આંદોલનમાં દિલ્હીની બોર્ડર પર પોતાના બાળકો સાથે ખુલ્લા આસમાન નીચે મહિલાઓ બેઠી છે, એમને જોઈને તમારું દિલ નથી દુખાતું? આ સાથે જ હુડ્ડાનું સમર્થન કરતાં કોંગ્રેસ ધારાસભ્ય કિરણ ચૌધરીએ કહ્યું કે સીએમ પ્રદેશમાં થઈ રહેલા મહિલા અપરાધો પર લગામ કેમ નથી લગાવતા?