રાજ્યમાં કેરીની સીઝન શરુ થઇ છે. વલસાડી આફૂસ તેના મીઠા સ્વાદ માટે પુરી દુનિયામાં જાણીતું છે. જો કે સ્વાદમાં ડંકો વગાડનાર વલસાડી આફુસનો મીઠો સ્વાદ વલસાડવાસીઓના મોઢે લાગ્યો નથી. વલસાડના સૌથી મોટા એવા હાઇવે કેરી માર્કેટમાં મહારાષ્ટ્રની કેરી વેચાઈ રહી છે. વલસાડી આફૂસ કેસર કેરી પાક હજુ ઉતાર્યો ન હોવાથી માર્કેટમાં મહારાષ્ટ્રની કેરી ઉંચા ભાવે વેચાઈ રહી છે. જે મોંઘી કેરી હાલ કેરી રસિયાને કડવી લાગે છે.
વલસાડ જિલ્લો દુનિયાભરમા વલસાડી આફૂસ કેરી માટે જાણીતો છે. દર વર્ષે કેરી ની સીઝનમા કરોડો રૂપિયાની કેરીઓ સ્વાદના શોખીનો આરોગી જાય છે. વાપી અને વલસાડના હાઇવે પર કેરીની હાઇવે બજાર પૂર બહારમા ખીલી ગઈ છે. દર વર્ષે વાપીથી વલસાડ સુધી હાઇવે પર ભરાતી કેરીની બજાર તો અત્યારે ભરાઈ ગઈ છે. જોકે આ વખતે વલસાડી આફૂસ કેરીની સીઝન મોડી શરૂ થવાની હોવાથી હાલે દેશના અન્ય રાજ્યની કેરી વેચાઈ રહી છે. કેરી બજારમા વલસાડી આફૂસની જગ્યા અત્યારે સીઝનની શરૂઆતમાં મહારાષ્ટ્રના રત્નાગિરીની કેરીઓએ લઈ લીધી છે. જિલ્લામા ૪ મહિના સુધી ભરાતી આ બજારમા અત્યારે વેચાઇ રહેલી કેરીઓના ભાવ આસમાને છે. સીઝનમાં જે કેરીઓ મણના ભાવે વેચાય છે. તે શરૂઆતમાં ડઝનના ભાવે વેચાઇ રહી છે. તેમ છતા ઊઁચા ભાવની કેરીઓ ખરીદનાર સ્વાદના શોખીનો મળી રહે છે.
મહત્વપૂર્ણ છે કે, કેરીના મીઠા સ્વાદના શોખીનો કેરી ખરીદીને સ્વાદ માણવા આતુર છે. જોકે અત્યારે બજારમાં જે ભાવે કેરી વેચાઇ રહી છે. તેના ભાવ સાંભળીને સ્વાદના શોખીનોને કેરીનો મીઠો સ્વાદ ખાટો લાગી શકે છે. કારણ અત્યારે રત્નાગિરીની કેરીઓ ડઝનના 550 થી લઈને 700 રૂપિયા સુધી વેચાઇ રહી છે. સીજનમાં જે કેરી ૫૦૦થી લઈને ૮૦૦ રૂપીયે મણ વેચાય છે તે અત્યારે તેટલા ભાવમાં અત્યારે મણ કેરી નહીં, પરંતુ ડઝન કેરી વેચાઈ રહી છે. તેમ છતા સ્વાદના શોખીનો કચવાતા મને ઊંચા ભાવની કેરી ખરીદી સ્વાદ માણી રહ્યા છે.
વલસાડી આફૂસ કેરી દુનિયાભરમા તેના સ્વાદ માટે જાણીતી છે. આ વખતે શરૂઆતમાં અહીની આમબાવાડિઓમાં મોર પણ સારા પ્રમાણમાં ખીલ્યો હતો આથી ખેડૂતોમાં ખુશી હતી. જો કે ત્યાર બાદ બદલાયેલા હવામાન અને માવઠાને લીધે કેરીના પાક પર ગમ્ભીર અસર કેરી જેની અસરને લીધે વલસાડી આફૂસ કેરીનો પાક આ વખતે મોડો પડ્યો છે. આથી વલસાડી આફૂસ કેરીની ગેરહાજરીમાં આ વખતે મહારાષ્ટ્રના રત્નાગિરી અને દક્ષિણની કેરી ઊંચા ભાવે સીઝનની શરૂઆતમાં વેચાઇ રહી છે. જો કે સસ્તા ભાવે વલસાડી આફૂસ કેરીનો સ્વાદ માણવા માંગતા સ્વાદ રસિકોએ હજુ પણ થોડા દિવસ રાહ જોવી પડશે.