ISROએ હવે મંગળયાન-2ને લઇ તૈયારીઓ શરૂ કરી દીધી છે. આગામી 2થી 3 વર્ષમાં ISRO ફરી મંગળયાન મોકલી શકે છે. ISROએ ટ્વીટ કરીને જાણકારી આપી કે આગામી 2022 અથવા 2023માં તેઓ ભારતનું સૌથી શ્રેષ્ઠ અંતરિક્ષ મિશન ફરી મોકલવાની તૈયારી કરી રહ્યું છે. આ મિશનનું નામ માર્સ ઓર્બિટર મિશન-2 હશે.
2022-23માં ઈસરો મોકલશે બીજું મંગળમિશન
જૂનું મંગળયાન હજુ સુધી કરી રહ્યું છે કામ
આ મિશનનું નામ હશે માર્સ ઓર્બિટર મિશન-2
ઈસરો 2-3 વર્ષમાં ફરી આખી દુનિયાને પોતાના હુનરની ઝાંખી કરાવશે
આ વખતે એવી પણ ચર્ચા છે કે ઇસરો મંગળયાન પર લેન્ડર અને રોવર પણ મોકલી શકે છે. પહેલા મંગળયાનનું લોન્ચિંગ 5 નવેમ્બર 2013એ કર્યું હતું. જે 11 મહિના બાદ મંગળની કક્ષામાં પહોંચ્યું હતું. ઈસરોના વૈજ્ઞાનિકોએ મંગળયાનને 6 મહિના માટે મંગળની કક્ષા માટે મોકલ્યું હતું, પરંતુ તે હજુ પાંચ વર્ષ બાદ પણ કામ કરી રહ્યું છે અને મંગળની જાણકારીઓ ઈસરોના સેન્ટરને મોકલે છે. ઈસરો 2-3 વર્ષમાં ફરી આખી દુનિયાને પોતાના હુનરની ઝાંખી કરાવશે. આખી દુનિયાને કહેશે કોપી ધેટ અને દુનિયા તેને માનશે.
#ISRO is planning to send Mars Orbiter to the MARS in 2022-2023. The mission named as Mars Orbiter Mission 2 (MOM2).#Mangalyaan2
પહેલાં મંગળયાનનું લોન્ચિંગ 5 નવેમ્બર 2013ના રોજ કરવામાં આવ્યું હતું. મંગળની કક્ષામાં તેને પહોંચવામાં 11 મહિના લાગ્યા હતા. પરંતુ ISROના વૈજ્ઞાનિકોએ મંગળયાનને 6 મહિનાને માટે મંગળની કક્ષામાં મોકલ્યું. આ મિશનને 5 વર્ષ થયા છતાં તે મંગળની જાણકારીઓ પૃથ્વી સુધી એટલે કે ઈસરો સેન્ટર્સમાં મોકલી રહ્યું છે. ISROના પહેલાં મંગળ મિશને આખી દુનિયામાં સફળતા દેખાડી હતી.
પાંચ વર્ષમાં મંગળયાને મેળવી આ સફળતાઓ
24 સપ્ટેમ્બર 2014ના રોજ મંગળયાનને મંગળની કક્ષામાં મોકલવામાં આવ્યું હતું. ત્યારપછી તે સતત કામ કરી રહ્યું છે. આ ભારતીય એજન્સીનું પહેલું એવું મિશન છે જેની પર અધ્યયન કરવા માટે દેશના વૈજ્ઞાનિક સમુદાયની વચ્ચે 32 રિસર્ચ ટીમ બની છે. 23થી વધારે લેખ અને રિસર્ચ પેપર પ્રકાશિત કરવામાં આવ્યા છે. હાલ સુધી મંગળયાને મંગળ ગ્રહના 1000થી વધારે ફોટોઝ મોકલ્યા છે. 5 વર્ષમાં હાલ સુધી મંગળયાને ઈસરોના ડેટા સેન્ટર્સને 5 ટીબીથી વધારે ડેટા મોકલ્યો છે. જેનો ઉપયોગ દેશભરના વૈજ્ઞાનિકો મંગળના અધ્યયનમાં કરી રહ્યા છે. આ દુનિયાનું સૌથી સસ્તું મંગળ મિશન હતું. જેની પર કુલ ખર્ચ 450 કરોડ રૂપિયાનો આવ્યો હતો.
હાલમાં શું સ્થિતિ છે મંગળયાનની?
મંગળયાન હાલ સુધી મંગળ ગ્રહની ચારે તરફ અંડાકાર કક્ષામાં આંટા મારી રહ્યું છે. તેનું મંગળ ગ્રહથી નજીકનું અંતર 42.7 કિમીની અને સૌથી વધારે અંતર 76,993 કિમીનું છે. પાંચ વર્ષથી મંગળગ્રહની કક્ષામાં કામ કરવા છતાં મોમ થાક્યું નથી. દુનિયાને સતત આશ્ચર્યમાં મૂકતું રહ્યું છે. એવું નથી કે તેને માટે તેને અંતરિક્ષમાં સંઘર્ષ કરવો પડતો નથી. પણ મંગળયાને દરેક બાધાઓને દૂર કરીને પોતાની ક્ષમતાનું પ્રદર્શન કર્યું છે. ઈસરોના વૈજ્ઞાનિકના અનુસાર મંગળયાન હજુ પણ સારી રીતે કાર્ય કરી રહ્યું છે.