હવે ઘરે બેઠા મળશે ગોલ્ડ લોન, શરૂ થઇ ડોર સ્ટેપ સુવિધા

જો તમે સોનાને ગિરવે મૂકીને લોન લો છો, તો તમારા માટે હવે સરળ થવાની છે. મણપ્પુરમ ફાઇનાન્સે શુક્રવારે ગોલ્ડ લોન માટે ડોર સ્ટેપ એટલે કે ઘેર બેઠા લોન આપવાની સુવિધાની શરૂઆત કરવાની જાણકારી આપી. આ સુવિધા દિલ્હી અને મુંબઇના ગ્રાહકોને મળશે. મુંબઇ અને દિલ્હીમાં કંપનીની 50 શાખાઓમાં ડોરસ્ટેપ સુવિધા ઉપલબ્ધ હશે. 

આ સુવિધાને સૌથી પહેલા ગત વર્ષે ચેન્નાઇ અને બેંગ્લોરમાં શરૂ કરવામાં આવી હતી. ત્યાં મોજૂદ 107 અને 183 શાખાઓમાં આ સુવિધા સફળ સાબિત થઇ. 
 

કંપનીના ઑનલાઇન ગોલ્ડ લોન અને સેલ્સ હેડ જોશી વીકેએ જણાવ્યું કે, 'ગ્રાહકોની સુવિધાને ધ્યાનમાં રાખવી અમારી કંપનીના મૂલ્યોમાં સામેલ છે. આ સુવિધઆ અને સુરક્ષા બંને વાતોને ધ્યાનમાં રાખતાં આ સુવિધા ઉપલબ્ધ કરાવી રહ્યા છે. હવે ગ્રાહકોને પોતાનું સોનું અમારી શાખાઓમાં લાવવાની જરૂર નથી. આ ગ્રાહકોનું રિસ્ક ઙટશે અને પૈસા સીધા ગ્રાહકોના ખાતામાં જમા થઇ જશે. '

કંપનીએ જણાવ્યું દિલ્હી અને મુંબઇમાં આ સુવિધાને લેનાર ગ્રાહકો માટે એેક હેલ્પલાઇન પણ શરૂ કરવામાં આવી છે. મુંબઇમાં કામના કલાક દરમિયાન 09072606215 અને દિલ્હીમાં 09072606202 પર કૉલ કરીને આ સુવિધાનો ફાયદો લઇ શકાય છે. 
 

કંપનીના બે કર્મચારી ગ્રાહકના સરનામા પર જઇને સોનાનું મૂલ્યાંકન કરશે. ત્યારબાદ સોનાની જગ્યાએ લોનની રકમ ગ્રાહકના બેંક ખાતામાં એનઇએફટી અથવા આઇએમપીએસના માધ્યમથી ટ્રાન્સફર કરશે.