છત્તીસગઢમાં ચોરીની શંકામાં એક યુવકની નિર્દયી રીતે ઢોર માર મારતા હોવાનો વીડિયો સામે આવ્યો છે.
છત્તીસગઢમાં મારપીટનો વીડિયો સામે આવ્યો
યુવકને ઝાડ પર ઉલ્ટો લટકાવી માર્યો
વીડિયો જોઈ વિચલિત થઈ શકો છો !
છત્તીસગઢમાં ચોરીની શંકામાં એક યુવકની નિર્દયી રીતે ઢોર માર મારતા હોવાનો વીડિયો સામે આવ્યો છે. વાયરલ વીડિયોમાં ચાર પાંચ લોકો ડંડા લઈને યુવકને મારી રહ્યા છે. વીડિયોમાં આપ જોઈ શકશો કે, ઝાડ પર યુવકને ઉલ્ટો લટકાવવામાં આવ્યો છે અને બાકી નીચે ઉભેલા યુવકો તેને મારી રહ્યા છે. આ દરમિયાન યુવક માફી પણ માગી રહ્યો છે. તેમ છતાં તેને મારી રહ્યા છે.
વીડિયો વાયરલ થયા બાદ પોલીસે મનીષ ખરે, શિવરાજ ખરે અને જાનૂ ભાર્ગવને શુક્રવારે મોડી સાંજે તથા ભીમ કેસરવાની તથા 15 વર્ષિય છોકરાની ધરપકડ કરી છે. પોલીસના જણાવ્યા અનુસાર આ ઘટનામાં પીડિત યુવક મહાવીર સૂર્યવંશી જિલ્લાના રતનપુરનો છે. તે સીપત વિસ્તારમાં રહીને મજૂરી કામ અને ચોકીદારી કરી રહ્યો હતો. 24-25 અપ્રિલે મનીષે કથિત રીતે મહાવીરે પોતાના ઘરમાં ઘુસતો જોયો હતો, આ તેનો આરોપ છે.
#WATCH Chhattisgarh | A man was thrashed by 5 people as he was hung upside down from a tree in Bilaspur district
તેણે જણાવ્યું હતું કે, મહાવીર આ દરમિયાન ત્યાંથી ભાગવામાં સફળ રહ્યો, જો કે, બીજા દિવસે સોમવારે મનીષે તેને પકડી લીધો અને ચોરીનો પ્રયાસ કરતો હોવાનો આરોપ લગાવીને પોલીસને સોંપી દીધો, જો કે, પોલીસે મહાવીર વિરુદ્ધ ફરિયાદ નોંધી નહીં, એટલા માટે પોલીસે મહાવીરને ચેતવણી આપીને છોડી મુક્યો હતો. તેણે જણાવ્યું કે, બાદમાં મનીષે મહાવીર પર આરોપ લગાવ્યો હતો કે, બુધવારની રાતે મહાવીર ફરીથી તેના ઘરમાં ઘુસવા માટે આવ્યો અને મોટરસાયકલને નુકસાન પહોંચાડીને ભાગી ગયો હતો.
ત્યાર બાદ ગામ લોકો તેની શોધ કરી રહ્યા હતા. કહેવાય છે કે, ગુરૂવારે ગામલોકોના હાથે તે ચડી ગયો, ગામમાં જ મનીષ, યુવરાજ, જાનૂ અને અન્ય લોકોએ તેને પકડી લઈ ગયા. ત્યાર બાદ આરોપીના પગ બાંધીને ઝાડ પર ઉલ્ટો લટકાવી દીધો અને ખૂબ માર્યો. મારપીટનો વીડિયો પણ સામે આવ્યો છે.