ઈન્ટરવ્યૂ / મેન vs વાઈલ્ડ: PM મોદી અને ઓબામામાં શું છે સમાનતા? જાણો બેયર ગ્રિલ્સના શબ્દોમાં

બેયરે પીએમ મોદીના વખાણ કર્યા અને કહ્યું કે વિષમ પરિસ્થિતિમાં પણ તેઓ શાંત અને સંતુલિત રહે છે. બેયરના આ શૉમાં અમેરિકાના પૂર્વ રાષ્ટ્રપતિ બરાક ઓબામા પણ જોવા મળી ચૂક્યા હતા. બેયરને સવાલ કરવામાં આવ્યો કે પીએમ મોદી અને બરાક ઓબામામાં તમને કોઈ સમાનતા જોવા મળી કે પછી તે બંને અલગ છે. આ સમયે બેયરે જણાવ્યું કે મને કેટલાક વર્ષ પહેલાં તેમની સાથે અલાસ્કામાં એક ટ્રિપ પર જવાનો અવસર મળ્યો હતો. બંનેમાં જે વાત એકસરખી હતી તે એ કે બંને ઇચ્છે છે કે પ્રકૃતિને બચાવવી પડશે.

#WATCH Bear Grylls in Wales(United Kingdom): I’ve had a huge privilege of taking Pres Obama on a trip to Alaska a few years ago..what was similar(Obama&PM Modi) was that they were there for the same purpose- for driving this message of ‘we have to protect the environment. ' pic.twitter.com/pbVDBvhypk

— ANI (@ANI) August 10, 2019

અમેરિકાના વેલ્સમાં રહેતા બેયર ગ્રિલ્સે કહ્યું કે પીએમ મોદી એ વ્યક્તિ છે જે પ્રકૃતિને વિશે ઘણું વિચારે છે. આ જ કારણ હતું કે તેઓ અમારી સાથે આવ્યા, તેઓએ એક યુવાનના રૂપે જંગલમાં સમય પસાર કર્યો છે. તેમને જોઈને હું હેરાન રહેતો કે તેઓ જંગલમાં આટલા સંતુલિત, શાંત અને કંફર્ટેબલ રહી શકે છે. પીએમ મોદી પહેલાં બરાક ઓબામાની સાથે શો કરી ચૂકેલા બેયર ગ્રિલ્સને પૂછવામાં આવ્યું કે  મોદી- ઓબામામાં શું સમાનતા છે તો જાણો તેઓએ શું જવાબ આપ્યો.

Bear Grylls in Wales(United Kingdom): PM Modi is a man who cares deeply about the environment. That is why he came on this journey with me. He has actually spent time in the jungle as a younger man and I was surprised how comfortable he was out there and how calm he was. pic.twitter.com/uyUokQUkdO

— ANI (@ANI) August 10, 2019

બેયરે કહ્યું કે ભારત ખૂબ જ સુંદર દેશ છે. તેમાં સુંદરતા છે અને સાથે તમારે તેને સાચવવી જોઈએ, પણ આ જવાબદારી દરેક વ્યક્તિ લે તો જ સંભવ છે. તેમાં નાની ચીજો જેમકે થૂંકવું નહીં, પ્લાસ્ટિકના ઉપયોગથી પર્યાવરણને બચાવવું વગેરે સામેલ કરવી જોઈએ. બેયરે જણાવ્યું કે તમે શૉમાં પીએમ મોદીની પર્સનાલિટીના એ ભાગને જોશો જે તમે પહેલાં ક્યારેય જોયો નહીં હોય. ટીમે પરત આવીને પહેલી વાત એ કહી હતી કે આ દેશમાં સૌથી વધારે જોનારો જાણીતો શૉ બનવા જઈ રહ્યો છે. તેઓએ ઉમેર્યું કે હું પણ આવું જ ઈચ્છું છું. બેયર ગ્રિલ્સનો આ સર્વાઈવલ શૉ દુનિયાભરમાં લોકપ્રિય છે અને પીએમ મોદીના એપિસોડને ભારતમાં કુલ 8 ભાષાઓમાં બતાવાશે અને સાથે ડિસ્કવરી દુનિયાભરના લગભગ 180 દેશોમાં આ શૉનું પ્રસારણ કરાશે.

બેયરે હસતાં હસતાં કહ્યું કે મેં આખા પ્રવાસમાં અનુભવ્યું છે કે અમે કંઈપણ કરી રહ્યા હતા પણ તેઓ સંપૂર્ણ સમયે શાંત અને સંતુલિત જોવા મળ્યા. બેયરે કહ્યું કે આ સારી વાત છે કે વિષમ પરિસ્થિતિમાં પણ તેઓ આટલા શાંત હતા. વર્લ્ડ લીડર હોવાના કારણે આ સારી બાબત છે. બેયરે એ પણ જણાવ્યું કે પીએમ મોદીની શાલીનતાએ તેમને પ્રભાવિત કર્યા.