વાયરલ / VIDEO : બંગ્લુરુમાં અચાનક થવા લાગ્યો નોટોનો વરસાદ, મફતની લૂંટવા લાગી લોકોની ભીડ

• બેંગ્લુરુમાં શખ્સ પર સવાર થયું નોટો ઉડાવવાનું ભૂત
• ઓવરબ્રિજ પર ચઢીને ઉડાવવા લાગ્યો 10-10ની નોટો
• ખિસ્સા ભરી લેવા લોકોની લાગી ભીડ
• પોલીસ આવી નોટો ઉડાડનાર ભાગ્યો 

બેંગ્લુરુના આ માણસને કેવો માણસ ગણવો. લોકો પૈસા ભેગા કરવા માટે મરતા હોય છે જ્યારે આણે તો ચલણી નોટો ઉડાવી મૂકી. બેંગ્લુરુમાં બનેલી એક ઘટનામાં આકાશમાંથી 10-10ની નોટોનો વરસાદ થતા ખિસ્સા ભરવા માટે લોકોની ભીડ લાગી હતી. 

An unidentified man showers money from KR market flyover in Bengaluru, video goes viral.

People swarmed in large number to collect the notes.

Well, those who collected the notes can only say if it is an original notes!🤐#Bangalore #money #viralvideo pic.twitter.com/SQ2bPu7Hn5

— Reethu Rajpurohit (@reethu_journo) January 24, 2023

શું બન્યું આ ઘટનામાં
બેંગલુરુમાં મંગળવારે સવારે અચાનક 10-10 રૂપિયાની નોટોનો વરસાદ શરૂ થતાં લોકો સ્તબ્ધ થઈ ગયા હતા. પછી શું હતું. લોકોમાં નોટો લૂંટવાની સ્પર્ધા જામી હતી. આ ઘટનાના ઘણા વીડિયો સોશિયલ મીડિયા પર વધુને વધુ વાયરલ થઈ રહ્યા છે. વીડિયોમાં જોઈ શકાય છે કે, એક વ્યક્તિ કેઆર માર્કેટ સિગ્નલ પાસેના ફ્લાયઓવર (કેઆર માર્કેટ ફ્લાયઓવર) પર ચઢીને નોટોનો વરસાદ કરી રહ્યો છે, જેને નીચે ઉભેલા લોકો ઝીલી રહ્યાં હતા.  પોલીસવાળા ફ્લાયઓવર પર ચઢે ત્યાં સુધીમાં એ વ્યક્તિ ત્યાંથી ભાગી જતો જોવા મળ્યો હતો. 

ચાર હજાર રુપિયાની નોટો ઉડાવીને ચાલ્યો ગયો શખ્સ 
આ પૈસા કોણે અને શા માટે ફેંક્યા તે વિશે કોઈ સ્પષ્ટ માહિતી નથી. પરંતુ કહેવામાં આવી રહ્યું છે કે આ વ્યક્તિ હવામાં લગભગ ત્રણથી ચાર હજાર રૂપિયાની નોટ ઉડાવીને ત્યાંથી ચાલ્યો ગયો. ફ્લાયઓવરની નીચે ઉભેલા લોકોએ પણ એવું વિચારીને પૈસા લૂંટવાનું શરૂ કરી દીધું હતું કે મફતમાં મળેલું શું કામ જતું કરવું. વીડિયોમાં તમે જોઈ શકો છો કે સૂટ પહેરેલા એક વ્યક્તિ ઓવરબ્રિજ પર ઊભેલો દેખાય છે અને ત્યાંથી તેની પાસે રહેલી બેગમાંથી 10-10ની નોટો ઉડાવવા લાગ્યો હતો. આ શખ્સની આ હરકતથી ફ્લાયઓવરની નીચે થોડા સમય માટે જામ થઈ જાય છે. પ્રારંભિક તપાસમાં બહાર આવ્યું છે કે આ વ્યક્તિએ 10 રૂપિયાની નોટો હવામાં ઉછાળી હતી. ઘટના સમયે ત્યાં હાજર લોકોનું કહેવું છે કે તેણે લગભગ ત્રણ હજાર રૂપિયાની નોટો ફેંકી દીધી હતી. કેટલાક લોકો એમ પણ કહે છે કે તે કોઈ ફિલ્મનું શૂટિંગ હોઈ શકે છે. જોકે પોલીસે ગુનો નોંધી તપાસ શરૂ કરી છે.