ઝારખંડમાં રાજકીય ઘમાસાણ મચેલું છે. ઝારખંડના મુખ્યમંત્રી હેમંત સોરેન પોતાની સરકાર બચાવવા માટે તનતોડ મહેનત કરી રહ્યા છે.
ઝારખંડ સરકારમાં ઘમાસાણ મચી
સરકાર બચાવવા માટે હેમંત સોરેન ઉપડ્યા છત્તીસગઢ
બંગાળ સરકારની બસમાં ધારાસભ્યો એરપોર્ટ પર પહોંચ્યા
ઝારખંડમાં રાજકીય ઘમાસાણ મચેલું છે. ઝારખંડના મુખ્યમંત્રી હેમંત સોરેન પોતાની સરકાર બચાવવા માટે તનતોડ મહેનત કરી રહ્યા છે. થોડા દિવસ પહેલા જ પોતાના ધારાસભ્યો સાથે પિકનિક મનાવતા દેખાયા હતા અને આજે તેઓ સત્તાધારી UPAના તમામ ધારાસભ્યો સાથે છત્તીસગઢની રાજધાની રાયપુર માટે રવાના થઈ રહ્યા છે. તેઓ ઝારખંડની રાજધાની બિરસા મુંડા એરપોર્ટ પરથી ચાર્ટડ્ ફ્લાઈટ દ્વારા રાયપુર જશે. પણ આ અગાઉ તેમના ધારાસભ્યો એરપોર્ટ પહોંચ્યા હતા. પણ જે બસમાં સવાર થઈને ધારાસભ્યો એરપોર્ટ પહોંચ્યા છે, તે બસ બંગાળ સરકારની છે. તેનાથી સવાલ એ થાય છે કે, શું ઝારખંડમાં રાજકીય ઉથલપાથલ પાછળ મમતા બેનર્જીનો હાથ છે ?
Jharkhand | Visuals from Ranchi airport where UPA MLAs have arrived along with CM Hemant Soren pic.twitter.com/CqFRUxDXob
આપને જણાવી દઈએ કે, આ અગાઉ પશ્ચિમ બંગાળ કોંગ્રેસના ત્રણ ધારાસભ્યો લાખો રૂપિયા સાથે જપ્ત થયા હતા. આ ધારાસભ્યો પર આરોપ હતો કે, તેઓ આસામ જઈ રહ્યા હતા અને ભાજપે તેમને ઝારખંડ સરકાર પાડવા માટે પૈસા આપ્યા હતા. આ મામલામાં બંગાળની સીઆઈડી તપાસ કરી રહી છે. જો કે આ મામલાની તપાસ ચાલી રહી છે. પણ ધારાસભ્યોને જામીન મળી ચુક્યા છે.
યુપીએ ધારાસભ્યો જે બસ પર સવાર થઈને રાંચિમાં આવેલા બિરસા મુંડા એરપોર્ટ પર પહોંચ્યા છે, તે બસ બંગાળ સરકારની બસો છે. આ તમામ બસો એસીવાળી છે અને વોલ્વોની આ બસ પર રોયલ ક્રૂઝર લખેલું છે. તેનાથી એ સવાલ ઉઠી રહ્યો છે કે રાંચિમાં બંગાળ સરકારની બસો શું કરી રહી છે ? શું મમતા બેનર્જીએ હેમંત સોરેન અને યુપીએના ધારાસભ્યો માટે બસોની વ્યવસ્થા કરી આપી છે. કારણ કે રાંચિમાં ખુદ જ એસીવાળી બસો મળી રહી છે અને આ અગાઉ હેમંત સોરેન પોતાના ધારાસભ્યો સાથે પિકનિક મનાવતા જોવા મળ્યા હતા. એ પણ એસીવાળી બસોમાં. આપને જણાવી દઈએ કે, મમતા બેનર્જી અને હેમંત સોરેનને ખૂબ સારા સંબંધો છે. અને આ બંને નેતા ભાજપ વિરોધી માનવામાં આવે છે.