એક્ટ્રેસ મલાઈકા અરોરા સોશિયલ મીડિયા પર ખૂબ જ એક્ટિવ રહે છે. ત્યારે હાલમાં જ એક્સ હસબન્ડ અરબાઝે મલાઈકાને આપી ગિફ્ટ, તો એક્ટ્રેસે આપી આવી પ્રતિક્રિયા.
મલાઈકા સોશિયલ મીડિયા પર ખૂબ જ એક્ટિવ રહે છે
હાલમાં જ એક્સ હસબન્ડ અરબાઝે મલાઈકાને આપી ગિફ્ટ
ગિફ્ટ મેળવીને મલાઈકાએ આપી પ્રતિક્રિયા
મલાઈકાના ઘણાં વીડિયો અને તસવીરો સોશિયલ મીડિયા પર સતત ટ્રેન્ડમાં રહે છે. એકવાર ફરી મલાઈકાએ કંઈક ખાસ પોસ્ટ શેર કરી છે. જેની ચર્ચા થઈ રહી છે. મલાઈકાએ જણાવ્યું છે કે, તેના એક્સ હસબન્ડ અરબાઝ ખાને તેને ગિફ્ટ આપીછે. આ કોઇ જ્વેલરી કે કિંમતી ગિફ્ટ નથી પરંતુ સ્વાદિષ્ટ કેરીની એક પેટી છે.
અભિનેત્રીએ પોતે ઇન્સ્ટાગ્રામ સ્ટોરી પર એક વીડિયો શેર કરીને તે કેરીની પેટી દેખાડી છે. તે વીડિયો સાથે મલાઈકાએ લખ્યું છે- આ કેરી માટે આભાર અરબાઝ, જેને તમે ઓનલાઇન ઓર્ડર કરી શકો છો.
તમને જણાવી દઇએ કે, અરબાઝ અને મલાઈકાએ 18 વર્ષના લગ્નજીવન બાદ ડિવોર્સ લઈ લીધા હતા. તેમના લગ્ન ભંગાણનું કોઇ ચોક્કસ કારણ સામે આવ્યું નથી, પરંતુ કહેવામાં આવ્યું કે બંને સાથે ખુશ નહોતા. ડિવોર્સ બાદ એક તરફ મલાઈકાએ એક્ટર અર્જુન કપૂરમાં પોતાનો પ્રેમ શોધ્યો તો અરબાઝને પણ Giorgia Andrianiના રૂપમાં નવી જીવનસાથી મળી ગઇ છે.
હવે અરબાઝ અને Giorgia Andrianiને લઈને વધારે ચર્ચા નથી થતી, પરંતુ મલાઈકા અને અર્જુનની જોડી સતત લાઇમલાઇટમાં રહે છે. કહેવામાં આવી રહ્યું છે કે, આ કપલ ખૂબ જ જલ્દી લગ્ન પણ કરી શકે છે. ત્યારે ઘણી જગ્યાએ અર્જુન અને મલાઈકાને સાથે સ્પોટ કરવામાં આવે છે.