ફેસબુકની માલિકીની કંપની મેટાએ જાહેરાત કરી છે કે ફેસબુક રીલ્સમાં ઓરિજિનલ કન્ટેન્ટ બનાવનારા ક્રિએટરને મહિને 3.07 લાખ રૂપિયા ચૂકવવામાં આવશે. ક્રિએટરને ડોલરમાં ચુકવણી મળશે.
હવે રીલ્સમાંથી પણ થઇ શકશે કમાણી
દર મહીને આપશે ૩ લાખ રૂપિયા
પાર કરવી પડશે આટલી ચેલેન્જ
ક્રિએટર્સ માટે કમાણીની તક
જો તમને પણ રીલ્સ બનાવવાનો શોખ હોય તો તમારા માટે સારા સમાચાર છે. હવે તમે રીલ્સ દ્વારા પણ ફેસબુકથી કમાણી કરી શકો છો. રીલ્સ દ્વારા તમે દર મહિને 3 લાખ રૂપિયાથી વધુની કમાણી કરી શકશો. ફેસબુકની માલિકીની કંપની મેટાએ જાહેરાત કરી છે કે ફેસબુક રીલ્સમાં ઓરિજિનલ કન્ટેન્ટ બનાવનારા ક્રિએટરને મહિને 3.07 લાખ રૂપિયા ચૂકવવામાં આવશે.
ફેસબુક રીલ્સ આપશે દર મહિને 4000 ડોલર
આ ચુકવણી રીલ્સ પર આવતા વ્યૂઝના આધારે કન્ટેન્ટ ક્રિએટર્સને ડોલરમાં આપવામાં આવશે. કંપનીએ કહ્યું કે ફેસબુક રીલ્સ પર દર મહિને 4000 ડોલર સુધીની કમાણીની તક છે. જો આપણે આ ડોલરને રૂપિયામાં કન્વર્ટ કરીએ તો આ રકમ લગભગ 3.07 લાખ રૂપિયા થાય છે.
ફેસબુક પર આવશે ચેલેન્જ
મેટાએ એક નિવેદનમાં જણાવ્યું હતું કે, અમે ફેસબુક પર "ચેલેન્જ " રજૂ કરી રહ્યા છીએ, જે ક્રિએટર્સને પોતાના કન્ટેન્ટ દ્વારા કમાણી કરવામાં મદદ કરશે. તેના દ્વારા એક મહિનામાં 4000 ડોલર સુધીની કમાણી કરી શકાય છે. કંપનીએ કહ્યું કે આ પ્રોગ્રામ હેઠળ કેટલાક ચેલેન્જ નક્કી કરવામાં આવ્યા છે, અને દરેક ચેલેન્જ પર ક્રિએટર્સ કમાણી કરતા રહેશે.
અલગ અલગ સ્ટેજ પાર કરવા પડશે
ઉદાહરણ તરીકે, પ્રથમ સ્ટેપમાં ક્રિએટર્સની 5 રીલ્સ 100 વ્યૂઝને પાર કરે છે, ત્યારે તેને $20 આપવામાં આવશે. "જ્યારે કોઈ ક્રિએટર્સ એક ચેલેન્જ પૂરી કરશે ત્યારે પછી આગળની ચેલેન્જ અનલોક થશે. 5 રીલની ચેલેન્જ પૂરી કર્યા બાદ ક્રિએટર્સને 20 રીલ્સ પર 500 વ્યૂઝ પૂરા કરવાનો પડકાર આવશે. જેના દ્વારા તમે 100 ડોલરની કમાણી કરી શકશો. મહિનો પૂરો થયા પછી, તમારે ફરીથી આ બધુ પહેલેથી ચાલુ કરવું પડશે.