રેસિપિ / સવારને બનાવો ખાસઃ કોઈ પણ લોટ વિના આ રીતે બનાવી લો ગરમાગરમ ખીચું, સ્વાદ એવો કે ભૂલાશે નહીં

એક ગુજરાતી તરીકે મેં મારા ઘરમાં ચોખા અને મકાઈના લોટનું ખીચું તો ખાધું જ છે. પણ આજે તો આ સિવાય પણ પૌંઆનું ખીચું હું તમારી માટે લઈને આવી છું. જે હું તો ચોક્કસથી મારા ઘરે ટ્રાય કરવાની જ છું. તો પછી તમે કેમ પાછળ રહી જાવ, તમે પણ આજે જ ટ્રાય કરી લો.

• સવાર બનાવો રંગીન
• બ્રેકફાસ્ટમાં બનાવી લો ખાસ રીતનું ખીચું
• કોઈ પણ લોટ વિના માણી શકાશે મજા

પોંઆનું ખીચું

સામગ્રી

-1 કપ પોંઆ
-1 ટી સ્પૂન જીરૂં વાટેલું
-1/4 ટી સ્પૂન પાપડ ખારો
-1/2 ટી સ્પૂન લાલ મરચું પાવડર
-1 ટેબલ સ્પૂન કોથમીર સમારેલી
-મીઠું સ્વાદાનુસાર

વઘાર માટે

-1/4 ટી સ્પૂન રાઈ
-1 ચપટી હીંગ
-1/4 ટી સ્પૂન તલ
-1 ટી સ્પૂન તેલ

રીત
સૌપ્રથમ પોંઆને મિક્સરમાં ગ્રાઈન્ડ કરીને લોટ બનાવી લો. લોટને એકદમ બારીક ના કરવો. રવા જેવો થોડોક મોટો રાખવો. હવે એક નોન સ્ટિક પેનમાં પાણી ગરમ કરો. તેમાં જીરૂં, પાપડ ખાર અને મરચું પાવડર નાખીને બરાબર મિક્સ કરીને ઉકળવા દો. પાણીને બેથી ત્રણ મિનિટ માટે ઉકળવા દો. ત્યાર બાદ તેમાં તૈયાર કરેલો પોંઆનો લોટ નાખીને બરાબર હલાવો. લોટને સતત હલાવો જેથી ગઠ્ઠા ના રહી જાય. હવે બળી જાય અને લોટ ચઢી જાય એટલે ગેસ બંધ કરીને ખીચુંને ગરમા-ગરમ સર્વ કરો. એક સર્વિંગ બાઉલમાં કાઢીને તેમાં તેલ અને મરચું પાવડર નાખીને લીલી ચટણી સાથે સર્વ કરો.

ઘરના દરેક સભ્યોને સવારના નાસ્તામાં મજા પડી જશે અને હેલ્ધી સ્નેક્સ હોવાથી પેટ પમ ભરેલું રહેશે અને હેલ્થ તો ટનાટન રહેશે.