રાજનીતિ / ભાજપ શાંત છે પરંતુ બનાવી રહી છે આ રણનીતિ, માત્ર 2 દિવસની જૂઓ રાહ

• મહારાષ્ટ્રમાં ભાજપની રણનીતિ આવી સામે 
• વાતચીત માટે ભાજપ શિવસેનાની રાહ જોશે
• કોંગ્રેસ અને NCP વચ્ચે સોમવારે બેઠક

આપને જણાવી દઇએ કે 4 નવેમ્બર એટલે કે સોમવારે એનસીપીના પ્રમુખ શરદ પવાર અને કોંગ્રેસ અધ્યક્ષ સોનિયા ગાંધી વચ્ચે બેઠક થશે. માનવામાં આવી રહ્યું છે કે આ બેઠક બાદ જ બંને પક્ષો શિવસેના અંગે પોતાનો વલણ સ્પષ્ટ કરશે. સોનિયા ગાંધી અને શરદ પવારની બેઠક પૂર્વે, એનસીપીના નેતાઓની એક બેઠક મુંબઇના એનસીપીના મુખ્યાલયમાં મળી હતી.

શિવસેનાના નેતાએ કર્યો સરકાર રચવાનો દાવો 

ભાજપે આ સમયે પોતાની વ્યૂહરચના બનાવી છે, પરંતુ આ દરમિયાન શિવસેના અને એનસીપી વચ્ચે ખીચડી બનાવી રહી છે. શિવસેનાના નેતા સંજય રાઉતનું તાજેતરનું નિવેદન ભાજપની મુશ્કેલીઓમાં વધારો કરી શકે છે. તેમણે મહારાષ્ટ્રમાં સરકાર બનાવવાનો દાવો કર્યો છે. રાઉતે કહ્યું કે અમારી પાસે બહુમતીનો આંકડો છે. અમારી પાસે હાલમાં 170 ધારાસભ્યોનું સમર્થન છે, જે 175 સુધી પહોંચી શકે છે.

શિવસેના પાસે છે હાલ 56 ધારાસભ્યો 

આપને જણાવી દઇએ કે, શિવસેના પાસે હાલ 56 ધારાસભ્યો છે. માનવામાં આવે છે કે શિવસેનાને 44 કોંગ્રેસ, 54 રાષ્ટ્રવાદી કોંગ્રેસ પાર્ટી (NCP) અને એક ડઝન સ્વતંત્ર ધારાસભ્યોનો ટેકો મળી શકે છે. આવી સ્થિતિમાં, આંકડો 170 ની આસપાસ પહોંચે છે.

મહારાષ્ટ્રમાં સરકાર બનાવવાનું સસ્પેન્સ યથાવત

નોંધનીય છે કે, મહારાષ્ટ્રમાં સરકાર બનાવવાનું  સસ્પેન્સ યથાવત છે. 24 ઓક્ટોબરે વિધાનસભાની ચૂંટણીના પરિણામો બાદ રવિવારે 10 દિવસ થયા છે, પરંતુ રાજ્યમાં કોની સરકાર બનશે તે હજુ સ્પષ્ટ થયું નથી. જ્યારે શિવસેના 50-50 ફોર્મ્યુલા પર અડગ છે, ભાજપ તેના પર સંમત થવા માટે તૈયાર નથી. શિવસેના અને ભાજપ વચ્ચે મહારાષ્ટ્રમાં પણ 10 દિવસથી એનસીપી-કોંગ્રેસ ગઠબંધને અપેક્ષાઓ દર્શાવવાનું શરૂ કરી દીધું છે.

NCP નેતાનું નિવેદન 

મહારાષ્ટ્રમાં સરકાર ગઠનને લઇને બીજેપી અને શિવસેનાની વચ્ચે ખેંચતાણ યથાવત છે. આ વચ્ચે શરદ પવારની પાર્ટી એનસીપીએ મોટુ નિવેદન આપ્યું છે. એનસીપીએ કહ્યું કે જો શિવસેના બીજેપી વિના 'જનતાની સરકાર બનાવવા તૈયાર છે, જેની છત્રપતિ શિવાજી મહારાજે કલ્પના કરી હતી, તો તેમણે સકારાત્મક વલણ અપનાવશે.'

એનસીપીના મુખ્ય પ્રવક્તા નવાબ મલિકે કહ્યું કે જો ઉદ્ધવ ઠાકરેના નેતૃત્વ વાળી પાર્ટી લોકોના હિતમાં કોઇ નિર્ણય લે છે તો વિકલ્પ ઉપલબ્ધ થઇ શકે છે. જોકે, એક દિવસ પહેલા જ એનસીપી અધ્યક્ષ શરદ પવારે કહ્યું હતું કે તેમની પાર્ટી વિધાનસભામાં વિપક્ષની ભૂમિકા નિભાવશે. 

ઓવૈસીએ ઉદ્ધવ ઠાકરો પર સાધ્યું નિશાન 

સસ્પેન્સ વચ્ચે મહારાષ્ટ્રમાં રાજકીય ધમાસાણ ચાલુ છે. એક તરફ જ્યાં મનસેના વડા રાજ ઠાકરે એનસીપી અધ્યક્ષ શરદ પવારની મુલાકાત લીધી હતી અને તેઓને મળ્યા હતા, બીજી તરફ શિવસેનાના સાંસદ સંજય રાઉતે દાવો કર્યો છે કે ભાજપ વિના પણ સરકાર બનાવવાના આંકડા શિવસેના પાસે છે.

દરમિયાન, ઓલ ઈન્ડિયા મજલિસ-એ-ઇતેહાદુલ મુસલીમિન (AIMIM) ના પ્રમુખ અસદુદ્દીન ઓવૈસીએ મહારાષ્ટ્રના રાજકારણ પર કટાક્ષ કર્યો છે. ઓવૈસીએ કહ્યું કે ઉદ્ધવ ઠાકરે બે ઘોડા પર સવારી કરવા માગે છે. જનતાને મૂર્ખ બનાવશો નહીં.