મહારાષ્ટ્રમાં પંચાયતની ચૂંટણીના જાહેર થયેલા પરિણામો જાહેર થઇ રહ્યા છે. અત્યાર સુધીના રુઝાનમાં સત્તાધારી શિવસેના અન્ય પક્ષો કરતા આગળ નીકળી હતી.
મહારાષ્ટ્રમાં ગ્રામ પંચાયતની ચૂંટણીનું પરિણામ જાહેર
ભાજપ અને શિવસેના વચ્ચે જોવા મળી કાંટાની ટક્કર
રૂઝાનમાં શિવસેના આગળ
14.40 PM : ઉલ્લેખનીય છે કે, મહારાષ્ટ્રની 14234 ગ્રામ પંચાયતોની 12,711 બેઠકો પર 15 જાન્યુઆરીના રોજ યોજાયેલ ચૂંટણીના પરિણામો જાહેર થયાં હતા. આ સિવાય 1523 બેઠકો પર ઉમેદવાર નિર્વિઘ્ને વિજયી બન્યા છે.
મહારાષ્ટ્રમાં 14234 બેઠકો પર ચૂંટણી યોજાઇ હતી. જેમાં 1523 ઉમેદવારો ચૂંટાઈ આવ્યા હતા. આજે થયેલી મતગણનામાં 1695 બેઠકોના પરિણામો જાહેર થયાં છે. જેમાં શિવસેના 532, ભાજપ 502, રાષ્ટ્રવાદી કોંગ્રેસ પાર્ટી 372, કોંગ્રેસ 360 અને અન્ય 645 બેઠકો પર જીત હાંસલ કરી હતી.
રૂઝાનમાં શિવસેના આગળ
પંચાયત ચૂંટણીના શરૂઆતના રૂઝાનોમાં શિવસેના આગળ વધી રહ્યું હતું. જો કે, ભાજપે પણ સારું પ્રદર્શન કરીને બીજો ક્રમાંક પ્રાપ્ત કર્યો હતો. ત્રીજા નંબર પર એનસીપી અને ચોથા નંબર પર કોંગ્રેસ ચાલી રહી છે. જો કે, ભાજપ અને શિવસેના વચ્ચે વધુ અંતર નથી. કોલ્હાપુર જિલ્લાના નરસિંહવાડીમાં મહાવિકાસ અઘાડી ભાજપથી આગળ છે. અહીં તેમણે 11માંથી 7 બેઠક જીતી હતી.
નક્સલ પ્રભાવિત જિલ્લામાં 20 જાન્યુઆરીએ યોજાશે મતદાન
આપને જણાવી દઇએ કે, મહારાષ્ટ્રમાં 34 જિલ્લામાં 14711 ગ્રામ પંચાયતોમાં શુક્રવારે યોજાયેલ ચૂંટણીમાં 79 ટકા જેટલુ મતદાન થયું હતું. આ સિવાય રાજ્યના નક્સલ પ્રભાવિત વિસ્તાર ગઢચિરૌલીની 6 તાલુકાની 162 ગ્રામ પંચાયતો માટે 20 જાન્યુઆરીના રોજ મતદાન યોજાશે જ્યારે 22 જાન્યુઆરી એ તેની મત ગણતરી કરવામાં આવશે.
ઠાકરે સરકાર માટે પ્રથમ પડકાર
રાજ્યના મુખ્યમંત્રી ઉદ્ધવ ઠાકરેની આગેવાનીમાં 15 મહિના પહેલા સત્તા સંભાળ્યા બાદ શિવસેના-એનસીપી-કોંગ્રેસ મહાગઠબંધન સરકાર સામે આ પ્રથમ પડકાર હતો.