દેશમાં કોરોના વાયરસના કેસમાં ઉત્તરોત્તર વધારી રહ્યો છે. ભારતમાં કોરોનાના કેસ 8 લાખ 49 હજારથી વધુ કેસ નોંધાઇ ચૂક્યા છે. ત્યારે અત્યાર સુધીમાં 22,674થી વધુ લોકોના મોત નિપજ્યા છે.
મહારાષ્ટ્રમાં કોરોના બન્યો બેફામ
કુલ દર્દીઓનો આંકડો 2.5 લાખને પાર
છેલ્લા 24 કલાકમાં નોંધાયા 7827 નવા કેસ
ત્યારે આ તમામ બાબત વચ્ચે કોરોનાનું સૌથી વધુ સંક્રમણ મહારાષ્ટ્ર રાજ્યમાં જોવા મળી રહ્યું છે. રાજ્યમાં સંક્રમિતોનો આંકડો હવે 2.5 લાખને પાર પહોંચ્યા છે.
છેલ્લા 24 કલાકમાં મહારાષ્ટ્રમાં નોંધાયા કોરોનાના 7827 નવા કેસ
ઉલ્લેખનીય છે કે, છેલ્લા 24 કલાકમાં અહીં 7827 નવા કેસ નોંધાયા છે. ત્યારબાદ કુલ દર્દીઓનો આંકડો 254,427 થઇ ગયો છે. તો છેલ્લા 24 કલાકમાં 173 લોકોના મોત નિપજ્યા છે. તો સમગ્ર રાજ્યમાં અત્યાર સુધીમાં 10,289 થયાં છે. આ તરફ ફક્ત મુંબઇની વાત કરવામાં આવે તો અહીં 1243 નવા કેસ નોંધાયા હતા અને 44 લોકોના મોત નીપજ્યા હતા.
દેશમાં કોરોના બન્યો બેફામ
આપને જણાવી દઇએ કે, અથાગ પ્રયાસ છતાં ભારતમાં કોરોના વાયરસનો પ્રકોપ ઓછો થતો નથી. આરોગ્ય મંત્રાલયે રવિવારે સવારે જાહેર કરેલા તાજેતરના આંકડા અનુસાર, છેલ્લા 24 કલાકમાં ફરી એકવાર, 28,637 નવા કોવિડ -19 ના મહત્તમ કેસ નોંધાયા છે. આ પછી, ચેપગ્રસ્ત લોકોની કુલ સંખ્યા હવે 8,49,553 પર પહોંચી ગઈ છે.
ગુજરાતમાં આજે નોંધાયા સૌથી વધુ કેસ
રાજ્ય સરકાર દ્વારા જાહેર કરાયેલ નવા કેસના આંકડા અનુસાર છેલ્લા 24 કલાકમાં કોરોનાના નવા 879 કેસ નોંધાયા છે. આ સાથે જ કુલ દર્દીઓનો આંકડો 41,906 પર પહોંચ્યો છે. તો કોરોનાથી રાજ્યનો મૃત્યુઆંક 2047 પર પહોંચ્યો છે.
આરોગ્ય વિભાગની માહિતી અનુસાર છેલ્લા 24 કલાકમાં 513 દર્દીઓ સાજા થયાં છે. આમ અત્યાર સુધીમાં કુલ 29,189 દર્દીઓએ કોરોનાને મ્હાત આપી છે જેમને હોસ્પિટલમાંથી ડિસ્ચાર્જ કરવામાં આવ્યા છે. રાજ્યમાં કોરોનાને કારણે ગત 24 કલાકમાં 13 દર્દીના મોત નિપજ્યા છે. આમ અત્યાર સુધીમાં 2047 દર્દીઓના સારવાર દરમિયાન મોત નિપજ્યા છે.
સતત ચોથા દિવસે 800ને પાર નવા કેસ
મહત્વનું છે કે, અનલૉક બાદ ગુજરાતમાં દિવસેને દિવસે કોરોના વાયરસના દર્દીઓનો આંકડો સતત વધી રહ્યો છે. ત્યારે અનલૉક બાદ આજે ગુજરાતના સૌથી વધુ કેસ 875 કેસ નોંધાતા ચિંતામાં વધારો થયો છે. આપને જણાવી દઇએ કે, 9 જુલાઇના રોજ પ્રથમ વખતા 861 કેસ નોંધાયા હતા તો ગઇકાલે શુક્રવારે એટલે કે 10 તારીખે 875 કેસ તો 12 તારીખે 872 કેસ અને આજે સતત ચોથા દિવસે 879 કેસ નોંધાયા છે.