મધ્યપ્રદેશના ગુનામાં એક ગર્ભવતી મહિલા સાથે અત્યાચારનો મામલો સામે આવ્યો છે. મહિલાને પતિએ પહેલા તરછોડી અન્ય વ્યક્તિ સાથે રહેતી હતી. તેથી નારાજ સાસરીયા પક્ષે મહિલા સાથે અત્યાચાર કર્યો હતો. જેનો વીડિયો સામે આવ્યો છે.
મધ્યપ્રદેશમાં ગર્ભવતી મહિલા સાથે અત્યાચાર
ગર્ભવતીના ખભા પર છોકરાને બેસાડીને ત્રણ કિલોમીટર ચલાવી
કેટલાક શખ્સો લાકડી અને પથ્થર પણ મારતા નજરે પડ્યા
મધ્યપ્રદેશના ગુનામાં પાંચ મહિનાની ગર્ભવતી સાથે નિમ્ન કક્ષાનું વર્તન કર્યું હોવાની ઘટના સામે આવી છે.પીડિતાના પતિ સીતારામે મહિલાને સાંગઈ ગામમાં ડેમા નામના શખ્સના ઘરે છોડી હતી. સીતારામે કહ્યું કે હવે હું તને નહીં રાખી શકું, તું અહીં રહેજે. જે બાદ મહિલાના સસરા ગુનજરિયા વારેલા, જેઠ કુમારસિંહ અને કે.પી.સિંહ અને રતન ત્યાં પહોંચ્યા હતા. નારાજ સાસરિયાંઓએ તેનું જુલૂસ કાઢ્યું. સસરા, જેઠ અને દેવરે મહિલાના ખભા પર એક બાળકને બેસાડીને ત્રણ કિલોમીટર બાંસખેડી ગામ સુધી તેને ઊબડખાબડ રસ્તાઓ પર ખુલ્લા પગે ફેરવી હતી. આખા રસ્તામાં તેને લાકડીઓથી મારતા રહ્યા અને પથ્થર પણ માર્યા હતા.
#WATCH: A video went viral of a woman who was made to walk in MP's Guna while carrying a boy on shoulders. She had allegedly left her husband for someone else. Angered by this, her relatives also allegedly beat her
પોલીસ રેકોર્ડમાં આ ઘટના 9 ફેબ્રુઆરીની છે, પરંતુ 15 ફેબ્રુઆરીએ તેનો વીડિયો વાઈરલ થયો હતો. પોલીસે આ કેસમાં ગંભીરતા દર્શાવી ન હતી. આ વીડિયો વાયરલ થયા બાદ પોલીસે કાર્યવાહી હાથ ધરી હતી. 3 આરોપીને ઝડપી લીધા હતા. જોકે બાદમાં આરોપી સસરા, જેઠ અને દિયર પર માત્ર મારપીટનો ગુનો દાખલ કરીને તેમને જામીન અપાયા છે.
ડેમા સાથે જ રહેજે, હું તને નહીં રાખી શકુંઃ પતિ
આ મહિલા ગુનાના બાંસખેડી ગામની રહેવાસી હતી. તેણે જણાવ્યું કે બે મહિના પહેલાં પતિ સીતારામ મને સાંગઇ ગામમાં ડેમાના ઘરે મૂકીને ઇંદોર ચાલ્યા ગયા હતા. જતી વખતે એવું કહ્યું કે હવે તું ડેમા સાથે જ રહેજે, હું તને નહીં રાખી શકું. 6 જાન્યુઆરીએ સસરા, જેઠ અને દિયરે મને ઘરે આવવા કહ્યું. મેં ના કહી તો મને લાકડીઓથી માર મારવા લાગ્યા. આ દરમિયાન પતિનો પણ ફોન આવ્યો. તેમણે બધાને આગ્રહ કર્યો કે મને છોડી દો, પરંતુ કોઇએ તેમની વાત ન સાંભળી.