હાઈપ્રોફાઈલ બેઠક / સર્વપક્ષીય બેઠક : PM મોદીએ ઉમળકાથી સ્વાગત કર્યું, નેતાઓને હસતા હસતા મળ્યાં, જુઓ તસવીરો

• નવી દિલ્હીમાં પ્રધાનમંત્રી આવાસમાં પીએમ મોદીની બેઠક ચાલી રહી છે
• કાશ્મીરના 8 પક્ષોના 14 નેતાઓ હાજર 
• તસવીરો બહાર આવી, પ્રધાનમંત્રી તમામ નેતાઓનું કર્યું સ્વાગત 

નવી દિલ્હી સ્થિત પ્રધાનમંત્રી આવાસમાં આ બેઠકમાં ફારુક અબ્દુલા, મહેબૂબા મુફતી, ઉમર અબ્દુલા, ગુલામ નબી આઝાદ, રવિન્દ્ર રૈના, કવિન્દ્ર ગુપ્તા, નિર્મલ સિંહ સજ્જાદ લોન, ભીમસિંહ સહિતના ઘણા નેતાઓ હાજર છે. 

આ દરમિયાન જમ્મુ કાશ્મીરના નેતાઓ સાથે પીએમ મોદીની તસવીરો સામે આવી છે. તસવીરોમાં અમિત શાહ, ગુલામ નબી આઝાદ, મહેબૂબા મુફતી, ફારુક અબ્દુલા તમામ તમામ નેતાઓ હાજર છે. પીએમે તમામ નેતાઓનું હાથ જોડીને સ્વાગત કર્યું હતું.

બેઠકમાં ડો.જિતન્દ્ર સિંહે તમામ નેતાઓનું સ્વાગત કર્યું જે પછી પ્રધાનમંત્રી મોદી દ્વારા ઓપનિંગ રિમાર્ક કરવામાં આવી. આ હાઈ પ્રોફાઈલ બેઠકનો એક વીડિયો પણ આવ્યો છે. 

શું આજે કોઈ મોટો નિર્ણય લેવાશે?
મુખ્ય મીટિંગ શરૂ થાય તેના ત્રણ કલાક પહેલા જ ગૃહમંત્રી અમિત શાહ પ્રધાનમંત્રી મોદીના નિવાસ સ્થાને -પહોંચ્યા અને અને બંને વચ્ચે બેઠક ચાલી રહી છે. 

કાશ્મીરના નેતાઓ પહોંચ્યા દિલ્હી, ભારે હલચલ અને હાઇઅલર્ટ 
વર્ષ 2019માં કાશ્મીરમાંથી ધારા 370 હટાવી દીધા બાદ પહેલીવાર આટલી મોટી બેઠક થવા જઈ રહી છે. આ મીટિંગમાં કયા મુદ્દે ચર્ચા કરવામાં આવશે તેનો કોઈ એજન્ડા સત્તાવાર રીતે જાહેર કરવામાં આવ્યો નથી. જોકે રાજ્યમાં ચૂંટણી અને સીમાંકન મુદ્દે અટકળો ચાલી રહી છે. બેઠક પહેલા જમ્મુ કશ્મીરમાં અપાયું 48 કલાકનું હાઈએલર્ટ આપી દેવામાં આવ્યું છે.