વડોદરામાં લવજેહાદનો એક કિસ્સો સામે આવ્યો છે. જેમાં વડોદરાનાં મકરપુરા વિસ્તારમાં એક સ્કૂલ વાનચાલકે કિશોરીને ફસાવી અને ધમકી આપી. વાનચાલકે કિશોરીને વાત નહીં કરે તો મરી જવાની ધમકી આપી અને ફસાવી અને દુષ્કર્મ આચર્યાની ફરિયાદ નોંધાઇ છે. મકરપુરા પોલીસે મોઇન ચૌહાણ નામનાં આરોપી વિરુદ્ધ ગુનો નોંધીને કાર્યવાહી હાથ ધરી છે.
ઉલ્લેખનીય છે કે વડોદરાનાં તરસાલી વિસ્તારમાં રહેતી 17 વર્ષની આ વિદ્યાર્થિની ધો. 12માં અભ્યાસ કરે છે. આ વિદ્યાર્થિની જ્યારે ધો. 11માં અભ્યાસ કરતી હતી અને તે સમયે જ્યારે તે સ્કૂલે ચાલીને જતી હતી ત્યારે તરસાલી ચોરાવાળા ફળિયામાં રહેતો અને ONGCમાં સ્કૂલવાન ચાલક મોઇન અજીત ચૌહાણ તેનો પીછો કરતો હતો. તે ગાડીનું હોર્ન મારીને તે છોકરીને પરેશાન કરતો હતો.
વિદ્યાર્થીની જ્યારે ટ્યુશન ક્લાસમાં ભણવા જાય તેવાં સમયે તેની સામે આવીને તેને તે હેરાન કરતો અને છોકરીને ઉભી રાખીને પ્રેમ કરતો હોવાનું કહેતો. એ પછી પણ ફરી એક વાર તે વિદ્યાર્થિની સામે આવીને તે ઉભો રહી ગયો અને કહ્યું કે જો તું મારી સાથે નહીં બોલે તો હું દવા પીને મરી જઇશ અને તારું નામ લખીશ ને તારા માતા-પિતાને પણ જણાવી દઇશ જેવી ધમકી આપી હતી.
બાદમાં એક વાર તેને તે વિદ્યાર્થીનીને જબરદસ્તીથી કારમાં બેસાડીને એક અવાવરુ જગ્યાએ લઈ ગયો હતો. જ્યાં તેણે તે કિશોરી સાથે દુષ્કર્મ આચર્યું હતું. ઉપરાંત ફરી વાર અંદાજે 2 મહિના પહેલા પણ જ્યારે વિદ્યાર્થિની ક્લાસમાંથી છૂટી તેવાં સમયે મોઇને તેને સ્કૂલવાનમાં બેસાડીને માંજલપુર તુલસીધામ ચાર રસ્તાથી આગળ રોડની એક સાઇડ પર લઇ જઇને વાન ઉભી કરી દીધી અને તે જ વાનમાં કાળા કલરના કાચની આડમાં તેની સાથે ફરી દુષ્કર્મ કર્યું હતું. મોઇન તે કિશોરીને જુદી જુદી જગ્યાએ લઇ જઇને આ રીતે ધમકી આપી દુષ્કર્મ આચરતો હતો.
કમાટીબાગમાં આલિંગન કરતો વીડિયો કર્યો હતો વાઇરલ
સોમવારનાં રોજ વાન ચાલક મોઇન જબરદસ્તીથી આ વિદ્યાર્થિનીને કમાટીબાગ લઇ ગયો હતો. વિદ્યાર્થિનીના ભાઇને ખબર પડતાં મિત્રો સાથે પહોંચી મોઇનને ઝડપી પાડ્યો હતો. તેને લઇને ઘરે માતા પાસે પહોંચ્યો હતો. માતાએ દિકરીની પૂછપરછ કરતાં તેણે મોઇને ધમકી આપી કરેલા દુષ્કર્મની વિગતો જણાવતાં માતાએ મકરપુરા પોલીસમાં ફરિયાદ કરી હતી. તેની ધરપકડ કરી તપાસ એસીપી એસસીએસટી સેલ કરી રહ્યા છે. પોલીસ આરોપીને આજે રિમાન્ડ માટે કોર્ટમાં રજૂ કરશે.
એક દિવસ તે મારી દીકરીને કમાટીબાગ લઈ ગયો હતો ને ત્યાં આલિંગન કરતો વીડિયો ઉતાર્યો હતો. જેને લીધે તે વારંવાર આ વિદ્યાર્થીનીને બ્લેકમેઇલ કરતો હતો. આ બાદ કિશોરીનાં પરિવારે પોલીસ સ્ટેશનમાં ફરિયાદ નોંધાવતા પોલીસે દુષ્કર્મનો ગુનો નોંધી મોઈન ચૌહાણની ધરપકડ કરી હતી.