મહેસાણા જિલ્લાના સતલાસણ તાલુકામાં એક ગજબ કિસ્સો સામે આવ્યો છે. પ્રેમી-યુગલે આપઘાત વહોર્યો છે પણ આ આપઘાતમાં પ્રેમીકાએ પોતાના 3 વર્ષના બાળકને પણ ઝેર આપીને મોતને ઘાટ ઉતારતા ચકચાર મચી ગઈ હતી.
મહેસાણા સતલાસણા તાલુકાના તારંગામાં પ્રેમી યુગલે કરી આત્મહત્યા
ખેરાલુના પેમી યુગલે 3 વર્ષના બાળક સાથે કરી આત્મહત્યા
પરિણીત મહિલાને અન્ય પુરુષ સાથે હતો પ્રેમ સંબધ
મહેસાણા સતલાસણા તાલુકાના તારંગા ડુંગર નજીક પ્રેમી યુગલે આત્મહત્યા કરી હોવાનું સામે આવ્યું છે. આ પ્રેમી યુગલ ખેરાલૂનું હોવાનું જાણવા મળ્યું છે. પરણિત મહિલાને અન્ય પુરૂષ સાથે પ્રેમ સંબંઘ થઇ જતા મહિલાએ તેમના 3 વર્ષના બાળક સાથે ઝેરી દવા પીને આત્મહત્યા કરી લીધી. મહિલા રીક્ષામાં પ્રેમી સાથે તારંગા ગઇ હતી. અહીં બાળક સાથે બંનેએ જિંદગીને કરૂણ અંજામ આપ્યો.
પોલીસ પહોંચી ઘટના સ્થળે
પોલીસ ઘટનાસ્થળે પહોંચીને કાયદેસરની કાર્યવાહી હાથ ધરી હતી. હાલ બંને લાશોનું પોસ્ટમોર્ટમ કરવા મોકલી આપવામાં આવી છે. જો કે પ્રેમીયુગલે પોતાના બાળકનો જીવ કેમ લીધો તે અંગે ચર્ચા વિચારણાઓ થઈ રહી છે.