નવી લહેર / હવે ચેતજો! જ્યાંથી કોરોના શરૂ થયો હતો ત્યાં આવી ગઈ નવી લહેર, 17 કરોડ લોકો ઘરોમાં કેદ, 10 શહેરોમાં લોકડાઉન

• ચીનમાં ફરી આવી ગઈ કોરોનાંની નવી લહેર 
• 10 શહેરોમાં લોકડાઉન લાગુ 
• 17 કરોડથી વધુ લોકો ઘરોમાં કેદ

ચીનમાં ચોથી લહેર

ચીનમાં ફરી એક  વખત કોરોના સંક્રમણની નવી લહેર શરૂ થઈ છે. એક દિવસમાં નવા કેસ બમણા કરતા પણ વધુ થઈ ગયા છે. મંગળવારે, ચીનમાં 5280 નવા કોરોના કેસ જોવા મળ્યા, જે કોરોના મહામારીના પિક દિવસો પછી દેશમાં સૌથી ઝડપી સંક્રમણ માનવામાં આવે છે. બીજી તરફ, WHOએ વિશ્વને ચેતવણી આપી છે કે ડેલ્ટા અને ઓમિક્રોન વેરિઅન્ટ મળીને વિકસિત થયેલ વેરિયન્ટ ચોથી લહેર લાવી શકે છે. 

ચીનના 10 શહેરોમાં લોકડાઉન
નવા કોરોના વેવને કારણે ચીનના 10 શહેરોમાં લોકડાઉન લાગુ કરવામાં આવ્યું છે. 17 કરોડથી વધુ લોકો ફરી એકવાર તેમના ઘરોમાં પુરાઈ ગયા છે. સોમવારે, ચીનના નેશનલ હેલ્થ કમિશન (NHC) એ કહ્યું કે દેશમાં 2021 ની સરખામણીએ આ વર્ષે અત્યાર સુધીમાં વધુ કેસ નોંધાયા છે. વર્ષ 2021 માં, ચીનમાં 8,378 કેસ નોંધાયા હતા, જે આ વર્ષે અત્યાર સુધીમાં વધીને 9,000 થી વધુ થઈ ગયા છે.

આ સમય ચીન માટે જૂઠું બોલવાનો નથી

ઝડપથી વધી રહેલા કેસ અંગે  ટોચના ચાઇનીઝ ચેપી રોગ નિષ્ણાત ઝાંગ વેનહોંગે ​​સોમવારે કહ્યું હતું કે આ સમય ચીન માટે જૂઠું બોલવાનો નથી. આપણે શૂન્ય-કોવિડ નીતિ પર ચર્ચા કરવાને બદલે તાત્કાલિક સંપૂર્ણ અને ટકાઉ રોગચાળાની વ્યૂહરચનાનો અમલ કરવો જોઈએ. ચીની સોશિયલ મીડિયા પ્લેટફોર્મ સિના વેઇબો પર એક પોસ્ટમાં આ અંગે ટિપ્પણી કરતા વેનહોંગે ​​કહ્યું, "2020માં કોરોના મહામારી પછી ચીન માટે આ સૌથી મુશ્કેલ સમય છે." તેમણે કહ્યું કે, આ સમય તાત્કાલિક પગલાં લેવાનો છે, નહીં તો સ્થિતિ બેકાબૂ બની શકે છે.

ચીનની અર્થવ્યવસ્થા પર ગંભીર અસર
 ચીનના વુહાનથી 2019માં શરૂ થયેલો કોરોના સંક્રમણ ફરી એકવાર ચીનને પોતાની ઝપેટમાં લઈ રહ્યો છે. છેલ્લા એક સપ્તાહમાં, બેઇજિંગ, શાંઘાઈ સહિત ગુઆંગડોંગ, જિઆંગસુ, શેનડોંગ અને ઝેજિયાંગ પ્રાંતમાં કોવિડના નવા કેસ નોંધાયા છે. નોમુરાએ એક નોંધમાં કહ્યું કે આનાથી ફરી એકવાર ચીનની અર્થવ્યવસ્થા પર ગંભીર અસર પડી શકે છે.  ચોથી ઘાતક વેવ આવી શકે છે. મારિયાએ વાઈરોલોજિસ્ટના ટ્વીટને રીટ્વીટ કરતા લખ્યું કે અમે કોરોનાને ટ્રેક કરી રહ્યા છીએ.