ટ્વિટર લોક / એક પછી એક ધડાધડ ટ્વિટર એકાઉન્ટની પ્રોફાઈલમાં રાહુલ ગાંધીના ફોટો અને નામ થવા લાગ્યા, જાણો કેમ

• ટ્વીટર સામે કોંગ્રેસની લડાઈ
• કોંગ્રેસ નેતાઓ પ્રોફાઈલ પર રાખી રહ્યા છે રાહુલ ગાંધીનો ફોટો
• 6 દિવસથી છે રાહુલ ગાંધીનું ટ્વિટર એકાઉન્ટ લોક

શું છે રાહુલ ગાંધીના ટ્વિટર લોકનો મામલો?
થોડા દિવસ પહેલા દિલ્હીના સ્મશાનમાં બાળકી સાથે દુષ્કર્મ કરી તેની હત્યા કરાઇ હતી. જે બાદ રાહુલ ગાંધી દુષ્કર્મ પીડિતાના પરિવારને મળવા ધરણાં સ્થળ પર પહોંચ્યા હતા. જે બાદ રાહુલ ગાંધીએ ગાડીમાં બેસીને પરિવાર સાથે કરેલી મુલાકાતના ફોટો  ટ્વિટર માધ્યમથી લોકો  સાથે શેર કર્યા હતા. પણ કાનૂની રીતે દુષ્કર્મ પીડિતા અને પીડિતાના પરિવારજનોના ફોટા શેર કરવા અને કાયદાના ઉલ્લંધન સમાન ગણાય. જે બાદ ભાજપ દ્વારા ટ્વિટરને આ અંગે ફરિયાદ કરવામાં આવી હતી. પછી ટ્વિટર દ્વારા રાહુલ ગાંધીને પોસ્ટ દૂર કરવા નોટિસ મોકલાઈ હતી છતાં પણ પોસ્ટ સોશિયલ મીડિયા પરથી ન હટાવાતા ટ્વિટરે રાહુલ ગાંધીનું ટ્વિટર એકાઉન્ટ 6 દિવસથી લોક કરી નાખ્યું છે.

ત્યારે હજુ પણ ટ્વિટર એકાઉન્ટને અનલોક ન કરવામાં આવતા કોંગ્રેસ અને તેના નેતાઓ સરકાર નીતિ અને અને ટ્વિટરનો વિરોધ કરી રહ્યા છે. રાહુલ ગાંધી સાથે અન્ય કોંગ્રેસના મોટા નેતાઓએ પણ એ પોસ્ટ શેર કરી હતી જેમના પર પણ ટ્વિટરાની કાર્યવાહીની ગાજ પડી છે અને તેમના પણ એકાઉન્ટ લોક કરી દેવામાં આવ્યા છે.

કોના-કોના Twitter એકાઉન્ટ લોક? 

1 કોંગ્રેસ INC સત્તાવાર એકાઉન્ટ
2 રાહુલ ગાંધી
3 રણદીપ સુરજેવાલા
4 અજય માકન
5 જિતેન્દ્રસિંહ 
6 સુષ્મિતા દેવ
7 રોહન ગુપ્તા
8 ગુજરાત કોંગ્રેસનું ટ્વીટર હેન્ડલ પણ થયું છે લોક

ટ્વિટરની સફાઇ... 

સમગ્ર મામલે સોશિયલ મીડિયા પર ઉગ્ર વિરોધ થતાં ટ્વિટરે આ અંગે સફાઇ આપતા કહ્યું હતું કે કોંગ્રેસના નેતાઓએ નિયમોનું ઉલ્લંઘન કર્યું હતુ, કોઈ પણ નેતાઓએ વિવાદીત ટ્વીટ ડિલીટ ન કરતા કાર્યવાહી કરવામાં આવી છે. 

રાહુલ ગાંધીના સમર્થનમાં પ્રોફાઇલ ફોટા ધડાધડ બદલાયા

રાહુલે કથિત બળાત્કાર અને હત્યાની શિકાર નવ વર્ષની બાળકીના પરિવારની સાથે તસવીરો ટ્વીટ કરી હતી જે બાદ તેમનું ટ્વિટર એકાઉન્ટ 6 દિવસથી લોક કરી દેવામાં આવતા હવે દેશભરના કોંગ્રેસ નેતાઓ રાહુલ ગાંધીના સમર્થનમાં આવી રહ્યા છે. અને પોતાન ટ્વિટર એકાઉન્ટ પર રાહુલ ગાંધીનો ફોટો મુકી વિરોધ કરી રહ્યા છે તો આ તરફ કેટલાક સમર્થન કારો ટ્વિટર એકાઉન્ટનું નામ બદલી રાહુલ ગાંધી રાખી રહ્યા છે. સમગ્ર મામલે કોંગ્રેસનું કહેવું છે કે કોંગ્રેસના નેતાઓને જેલમાં બંધ કર્યા, ત્યારે ન ડર્યા હવે શું ડરીશું,  અમે લડીશું અને લડતા રહીશું, રેપ પીડિતાને ન્યાય અપાવવો અપરાધ છે,તો અમે આ ફરી કરીશું

કોણે કોણે રાહુલ ગાંધીનો ફોટો મૂક્યો

1 પ્રિયંકા ગાંધીએ પ્રોફાઈલ ફોટોમાં રાહુલ ગાંધીનો ફોટો મૂક્યો
2 યુથ કોંગ્રેસના પ્રમુખ શ્રીનિવાસને પોતાના ટ્વીટર એકાઉન્ટનું નામ રાહુલ ગાંધી રાખ્યું
3 કોંગ્રેસના મોટાગજાના તમામ નેતાઓએ રાહુલ ગાંધીનો ફોટો રાખ્યો
4 ગુજરાત પ્રદેશ પ્રમુખ અમિત ચાવડાએ પણ રાહુલ ગાંધીનો ફોટો મૂક્યો

5 યૂથ કોંગ્રેસના મોટા ભાગના કાર્યકર્તાઓએ પ્રોફાઈલ બદલી