રેન્કિંગ / દુનિયાના સૌથી શક્તિશાળી પાસપોર્ટની યાદી જાહેર, જાણો ભારત કેટલામાં ક્રમે છે ?

• વિશ્વના સૌથી શકિતશાળી પાસપોર્ટની સૂચિ જાહેર
• આ વખતે એશિયાના દેશોનો છે દબદબો, જાપાન પ્રથમ ક્રમે છે 
• ચીન 70માં સ્થાને છે, અને ભારત 85માં ક્રમે છે

આ રેન્કિંગ મુજબ, વિશ્વનો સૌથી શક્તિશાળી પાસપોર્ટ જાપાનનો છે. તે જ સમયે, અમેરિકા આ ​​સૂચિમાં સાતમા સ્થાન પર આવે છે. બીજી તરફ, ભારત આ યાદીમાં 85 માં સ્થાને છે. જ્યારે ચીન 70 મા અને પાડોશી દેશ પાકિસ્તાન સૌથી છેલ્લેથી ચોથા ક્રમે છે. 

કોઈ પણ દેશના નાગરિકો માટે ઘણું મહત્વપૂર્ણ હોય છે પાસપોર્ટ રેન્ક

કોઈ પણ દેશ માટે એક સારું પાસપોર્ટ રેન્કિંગ ઘણું મહત્વપૂર્ણ હોય છે, કારણ કે તે દેશના નાગરિકો કેટલાય દેશોમાં વિઝા વિના મુસાફરી કરી શકે તેમ હોય છે.આ રેન્કિંગ્સ આંતરરાષ્ટ્રીય હવાઈ પરિવહન યુનિયનના ડેટાના આધારે છે. આ સંસ્થા મુસાફરોની માહિતીના વિશ્વના સૌથી મોટા અને સચોટ ડેટાબેઝને જાળવે છે અને હેનલે એન્ડ પાર્ટનર્સ આ ડેટાનું એનાલિસીસ કરે છે, અને આ રેન્કિંગ રિપોર્ટ તૈયાર કરે છે.

આ વખતે શક્તિશાળી પાસપોર્ટની સૂચિમાં એશિયન દેશોનો પણ ઘણો દબદબો જોવા મળ્યો છે. જાપાનના નાગરિકોને વિશ્વના 191 દેશોમાં વિઝા ઓન અરાઇવલની સુવિધા આપવામાં આવે છે. તેથી સૌથી શક્તિશાળી પાસપોર્ટ સૂચિમાં જાપાન અ વખતે પ્રથમ ક્રમે આવ્યું છે. તે પછી સિંગાપોર બીજા ક્રમે છે જેના નાગરિકોને 190 દેશોમાં આ સુવિધા મળે છે.

ભારતીય નાગરિકોને 58 દેશોમાં મળે છે વિઝા ઓન અરાઇવલની સુવિધા 

ત્રીજા નંબરે દક્ષિણ કોરિયા અને જર્મની છે, જેના નાગરિકોમાં 189 દેશોમાં વિઝા ઓન અરાઇવલની સુવિધા છે. તે પછી ચોથા સ્થાને ઇટાલી, ફિનલેન્ડ, સ્પેન અને લક્ઝમબર્ગ અને પાંચમા સ્થાને ડેનમાર્ક અને ઓસ્ટ્રિયા છે. તે જ સમયે, આ સૂચિમાં ભારત 85 માં સ્થાન પર છે, જેનો અર્થ છે કે ભારતીય નાગરિકોને 58 દેશોમાં વિઝા ઓન અરાઇવલની સુવિધા મળે છે.

આ સૂચિમાં પાડોશી દેશ ચીન 70 મા ક્રમે છે, જેનો અર્થ છે કે ચાઇનીઝ નાગરિકોને 75 દેશોમાં વિઝા ઓન અરાઇવલની સુવિધા મેળવી શકે છે અને પાકિસ્તાન નીચેથી એટલે કે 107 મા સ્થાનેથી ચોથા ક્રમે છે અને પાકિસ્તાનીઓને ફક્ત 32 દેશોમાં વિઝા ઓન અરાઇવલની મળે છે.