BIG NEWS / ગૌણ સેવા પસંદગી મંડળ દ્વારા ઓફિસ આસીસ્ટન્ટના પાત્રતા ઉમેદવારોની યાદી જાહેર, 235 ઉમેદવાર ગેરલાયક ઠર્યા

• ઓફિસ આસીસ્ટન્ટ વર્ગ-3ના પાત્રતા ઉમેદવારોની યાદી જાહેર
• પ્રમાણપત્રોની ચકાસણી પૂર્ણ કર્યા બાદની યાદી કરાઈ જાહેર
• ગુજરાત ગૌણ સેવા પસંદગી મંડળે નોટિફિકેશન-લિસ્ટ કર્યું જાહેર

કારકુન અને સચિવાલયના વિવિધ વિભાગો માટે ઓફિસ આસીસ્ટન્ટ વર્ગ-3ના ઉમેદવારો માટે સારા સમાચાર સામે આવ્યા છ. ગુજરાત ગૌણ સેવા પસંદગી મંડળ દ્વારા 5855 ઉમેદવારોના પ્રમાણપત્રોની ચકાસણીની પ્રક્રિયા પૂર્ણ કર્યા બાદની યાદી જાહેર કરી છે જેમાં 5620 ઉમેદાવારો લાયક (eligible) અને 235 ઉમેદવારો ગેરલાયક (ineligible) ઠર્યા છે. જે બાબતે ગુજરાત ગૌણ સેવા પસંદગી મંડળ, ગાંધીનગર દ્વારા નોટિફિકેશન અને લિસ્ટ જાહેર કર્યું છે.

લેખિત, કોમ્પ્યુટર પરીક્ષામાં 5855 ઉમેદવારો લાયક ઠર્યા હતા
ગુજરાત સરકારના વિવિધ ખાતાની કચેરીઓ તેમજ મહેસુલ વિભાગના નિયત્રણ હેઠળની કચેરીઓમાં કારકુન અને સચિવાલયના વિવિધ વિભાગો માટે ઓફિસ આસીસ્ટન્ટ વર્ગ-3ની 3901 જગ્યા માટે ભરતી પ્રક્રિયા યોજી હતી. જેમાં પ્રથમ તબક્કાની લેખિત અને સ્પર્ધાત્મક પરિક્ષા અને બીજા તબક્કાની કોમ્પ્યુટર પ્રોફિસીયન્સી ટેસ્ટને અંતે 5855 ઉમેદવારો લાયક ઠર્યા હતા.

પ્રમાણપત્રોની ચકાસણી બાદ યાદી જાહેર કરાઈ
લેખિત અને કોમ્પ્પુટરમાં લાયક ઠરેલા 5855 ઉમેદવારોની પ્રમાણપત્રોની ચકાસણી માટેની યાદીએ ગૌણ સેવા પસંદગી મંડળે પોતાની વેબસાઈટ પર મુકી હતી. જેમાં પ્રમાણપત્રોની ચકાસણી પૂર્ણ થયા બાદ આજે તેમણે લાયક અને ગેરલાયક ઉમેદવારોની યાદી જાહેર કરી છે
 

જુઓ નોટિફિકેશન....