IPLIN
 
  • Home
  • India
  • Leaders including Amit Shah-Yogi Adityanath expressed grief over the demise of Raju Srivastava

દુઃખદ / કોમેડી કિંગ રાજુ શ્રીવાસ્તવના નિધન પર શોકની લહેર, અમિત શાહ-CM યોગી સહિતના મોટા નેતાઓએ વ્યક્ત કર્યું દુઃખ

Team VTV 12:41 PM, 21 Sep 22 | Updated: 12:45 PM, 21 Sep 22
Follow us
Leaders including Amit Shah-Yogi Adityanath expressed grief over the demise of Raju Srivastava

ખ્યાતનામ કોમેડિયન અને અભિનેતા રાજુ શ્રીવાસ્તવના નિધન પર કેન્દ્રીય ગૃહમંત્રી અમિત શાહ, રક્ષામંત્રી રાજનાથ સિંહ, મુખ્યમંત્રી યોગી આદિત્યનાથથી લઈને અનેક રાજનેતાઓએ શોક વ્યક્ત કર્યો છે.

  • કોમેડિયન અને અભિનેતા રાજુ શ્રીવાસ્તવનું નિધન
  • AIIMS હોસ્પિટલમાં લીધા અંતિમ શ્વાસ
  • અમિત શાહ-CM યોગી સહિતના મોટા નેતાઓ વ્યક્ત કર્યો શોક

ખ્યાતનામ કોમેડિયન અને અભિનેતા રાજુ શ્રીવાસ્તવનું નિધન થયું છે. રાજુ શ્રીવાસ્તવ છેલ્લા 41 દિવસથી દિલ્હીની AIIMS હોસ્પિટલમાં દાખલ હતા. 58 વર્ષની વયે રાજુ શ્રીવાસ્તવે બુધવારે લગભગ 10.15 વાગ્યે અંતિમ શ્વાસ લીધા. તેમના નિધનથી દેશમાં શોકની લહેર છે. કેન્દ્રીય ગૃહમંત્રી અમિત શાહ, રક્ષામંત્રી રાજનાથ સિંહ, મુખ્યમંત્રી યોગી આદિત્યનાથથી લઈને અનેક રાજનેતાઓએ રાજુ શ્રીવાસ્તવના નિધન પર શોક વ્યક્ત કર્યો છે.

અમિત શાહે વ્યક્ત કર્યો શોક

કેન્દ્રીય ગૃહમંત્રી અમિત શાહે રાજુ શ્રીવાસ્તવના નિધન પર શોક વ્યક્ત કર્યો અને ટ્વીટ કરીને કહ્યું કે, 'સુપ્રસિદ્ધ હાસ્ય કલાકાર રાજુ શ્રીવાસ્તવ જીની એક અનોખી શૈલી હતી, તેમણે પોતાની અદભૂત પ્રતિભાથી બધાને પ્રભાવિત કર્યા. તેમનું નિધન કલા જગત માટે એક મોટી ખોટ છે. હું તેમના પરિવાર અને પ્રશંસકો પ્રત્યે સંવેદના વ્યક્ત કરું છું. ભગવાન તેમને આ દુઃખ સહન કરવાની શક્તિ આપે. ॐ શાંતિ શાંતિ.'

રાજુ શ્રીવાસ્તવજીના નિધનથી હું ખૂબ જ દુઃખી છુંઃ રાજનાથસિંહ

રક્ષા મંત્રી રાજનાથ સિંહે શોક વ્યક્ત કરતા કહ્યું કે, 'સુપ્રસિદ્ધ હાસ્ય કલાકાર રાજુ શ્રીવાસ્તવજીના નિધનથી હું ખૂબ જ દુઃખી છું. તેઓ એક કુશળ કલાકાર હોવા ઉપરાંત  જીંદાદિલ માણસ પણ હતા. તેઓ સામાજિક ક્ષેત્રમાં પણ ખૂબ સક્રિય રહેતા હતા. તેમના શોકગ્રસ્ત પરિવાર અને પ્રશંસકો પ્રત્યે મારી સંવેદના વ્યક્ત કરું છું. ॐ શાંતિ!.'

CM યોગીએ વ્યક્ત કર્યું દુઃખ

રાજુ શ્રીવાસ્તવના નિધન પર શોક વ્યક્ત કરતા ઉત્તર પ્રદેશના મુખ્યમંત્રી યોગી આદિત્યનાથે કહ્યું કે, 'રાજુ શ્રીવાસ્તવ હવે આપણી વચ્ચે નથી રહ્યા. હું યુપીના લોકો વતી પ્રાર્થના કરું છું કે તેમની આત્માને શાંતિ મળે. હું તેમના પરિવાર પ્રત્યે મારી સંવેદના વ્યક્ત કરું છું.'

અરવિંદ કેજરીવાલે અર્પણ કરી શ્રદ્ધાંજલિ

દિલ્હીના મુખ્યમંત્રી અરવિંદ કેજરીવાલે કહ્યું કે, 'પ્રખ્યાત હાસ્ય કલાકાર રાજુ શ્રીવાસ્તવ જીનું નિધન ખૂબ જ દુઃખદ છે. ભગવાન દિવંગત આત્માને પોતાના ચરણોમાં સ્થાન આપે. આ દુ:ખની ઘડીમાં તેમના પરિવારજનો અને તમામ પ્રશંસકો પ્રત્યે મારી સંવેદના.'

સીએમ ધામીએ વ્યક્ત કર્યો શોક

મુખ્યમંત્રી પુષ્કર સિંહ ધામીએ લાંબા સમયથી બીમાર અને કોમામાં રહેલા જાણીતા હાસ્ય કલાકાર રાજુ શ્રીવાસ્તવના નિધન પર શોક વ્યક્ત કર્યો. મુખ્યમંત્રી ધામીએ પોતાના શોક સંદેશમાં રાજુ શ્રીવાસ્તવના નિધનને અપૂરણીય ખોટ ગણાવી.

છત્તીસગઢના સીએમ ભૂપેશ બઘેલ પણ દુઃખ વ્યક્ત કર્યું

છત્તીસગઢના મુખ્યમંત્રી ભૂપેશ બઘેલ કહ્યું કે, કોમેડી પ્રેમીઓના 'ગજોધર' રાજુ શ્રીવાસ્તવના નિધનના સમાચાર દુઃખદ છે. તેમણે હાસ્ય વિદ્યાનું એક નવુ સ્વરૂપ દેશની સામે રજૂ કર્યું. તેમનું નિધન કલા જગતની એક મોટી ખોટ છે. ભગવાન તેમના આત્માને શાંતિ આપે અને તેમના પરિવારને હિંમત આપે.

કોણ હતા રાજુ શ્રીવાસ્તવ?

રાજુ શ્રીવાસ્તવ વિશે તમને જણાવી દઈએ કે, તેમણે ઘણા લોકપ્રિય શૉમાં કામ કર્યું છે. તેઓ દેશના લોકપ્રિય કોમેડિયન છે. તેમણે ધ ગ્રેડ ઈન્ડિયન લાફ્ટર ચેલેન્જ, બિગ બોસ, શક્તિમાન, કોમેડી સર્કસ, ધ કપિલ શર્મા શૉમાં લોકોને હસાવ્યા હતા. આ સિવાય તેમણે મૈંને પ્યાર કિયા, તેઝાબ, બાઝીગર જેવી બોલિવૂડ ફિલ્મોમાં કામ કર્યું છે. હાલમાં જ તેઓ ઈન્ડિયન લાફ્ટર ચેમ્પિયનમાં સ્પેશિયલ ગેસ્ટ તરીકે પણ જોવા મળ્યા હતા.
 

Raju Srivastava passes away રાજુ શ્રીવાસ્તવ કોમેડિયનનું નિધન amit shah Yogi Adityanath
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ