સુશાંત સિંહ રાજપૂતના આમ અચાનક ચાલ્યા જવાથી તેમના પરિવાર અને મિત્રોને ખૂબ આઘાત લાગ્યા છે. રોજ કોઇ મિત્ર તેમની સાથેની યાદ શૅર કરે છે અને સુશાંતને યાદ કરે છે. ફેન્સ પણ સુશાંતના નિધનથી ખુબ જ દુખી છે. ત્યારે ડાન્સર અને એક્ટ્રેસ લૉરેન ગૉટલિબે સુશાંત સાથે કરેલી ચેટના સ્ક્રિનશૉટ શૅર કર્યા છે. તેમાં સુશાંતે તેના ટીવીથી ફિલ્મો સુધીની સફર વિશે વાત કરી છે.
અભિનેત્રીએ કરી ચૅટ શૅર
સુશાંતને ગણાવ્યો પોઝીટીવ વ્યક્તિ
સુશાંતના નિધનથી છે દુ:ખી
એક ટેલેન્ટેડ સિતારો આપણી વચ્ચેથી આમ અચાનક વિદાય લઇ લેશે કોને ખબર હતી, પરંતુ ભાગ્યમાં જે લખ્યુ હોય છે તે થઇને જ રહે છે. સોશ્યલ મિડીયા પર લોકોએ સુશાંતને ન્યાય અપાવવા માટે મુહિમ શરૂ કરી દીધી છે. લૉરેને શૅર કરેલી ચેટ પરથી તમે જાણી શકશો કે સુશાંત પોતાની સાથે સાથે બીજાઓને પણ પોઝીટીવ એનર્જી આપતા હતા.
લૉરેને કેટલાક સ્ક્રિનશૉટ શૅર કરીને લખ્યુ છે કે, આજે મારી નજર સુશાંત સાથે કરેલી ચેટ પર પડી તે વાંચીને મારુ હ્રદય ભારે થઇ ગયું. સુશાંત એક સાચો સપોર્ટર હતો અને હું તેની સાથે ખૂબ જ કનેક્ટેડ હોઉ તેવુ ફીલ કરતી હતી, તેનુ કારણ હતુ કે અમે બંને આઉટસાઇડર હતા. તે દરેક પર પોતાનો જાદુ ચલાવી દેતા હતા અને દરેક પ્રત્યે દયાભાવ રાખતા હતા.
લૉરેન-સુશાંતની આ ચેટ એમ.એસ ધ અનટોલ્ડ સ્ટોરી ફિલ્મ રિલીઝ વખતની છે. સુશાંતે તેમાં લખ્યુ છે કે પહેલા પોતે ક્યાં પહોંચવુ છે તેનો મક્કમ નિર્ણય કરી લો એટલે તમારી મંઝીલ સુધી મહેનત પહોંચાડી દેશે. સાથે જ પોતાને સાધારણ દેખાવ અને ટેલેન્ટવાળો છોકરો ગણાવે છે. સુશાંતને તેમની હિંમત અને મહેનતે આ સ્તરે પહોંચાડ્યા હતા.