એક વર્ષમાં રેલ્વેના યાત્રીઓ ચોરી ગયા 14 કરોડના ચાદર રૂમાલ અને તકિયા

ટ્રેનમાં AC કોચમાં મુસાફરી કરનારા પૈસાવાળા લોકો રૂમાલ ચાદર અને ધાબળા ચોરીના મામલે શકના ઘેરામાં આવી ગયા છે. 2017-18 દરમિયાન ટ્રેનમાં AC કોચોમાંથી લાખો રૂપિયાની ચાદર ધાબળ અને રૂમાલ ગાયબ થઇ ગયા છે. જેની કુલ કિંમત 14 કરોડ રૂપિયા જણાવવામાં આવી છે. રેલ્વેના એક અધિકારીએ આ માહિતી આપી છે. 

પાછલા વર્ષે દેશભરમાં ટ્રેનોમાં AC કોચમાં લગભગ 21 72 246 બેડરોલ ગાયબ થઇ ગયા છે જેમાં 12 83 415 રૂમાલ 4 71 077 ચાદર અને 3 14 952 તકિયાના કવર ચોરાઈ ગયા છે. આ સિવાય 56 287 તકિયા અને 46 515 ધાબળા ગાયબ છે. 

રેલવે મંત્રાલયના એક વરિષ્ઠ અધિકારીએ જણાવ્યું કે ગાયબ થયેલા સામાનની કિંમત 14 કરોડ રૂપિયા થાય છે. આટલું જ નહી વોશરૂમમાંથી મગ ફ્લશ પાઇપ અને કાચની પણ ચોરી થયાના રિપોર્ટ સમંયાતરે નોંધાય છે. AC કોચમાં મુસાફરી કરનારા યાત્રાઓ માટે સારી સુવિધા આપવાની કોશિશ કરતા રેલ્વે માટે આ ચોરી નવી સમસ્યા પેદા કરી રહી છે.