ઘણી વખત પાકિસ્તાની માછીમારો માછલીઓ પકડવા માટે દરિયા ખેડતા હોય છે ત્યારે ભારતીય સીમા પાર કરીને એક પાક. બોટ સાથે 6 માછીમારોને પેટ્રોલીંગ દરમિયાન જખૌના કોસ્ટ ગાર્ડની ટીમે ગુરુવારે બપોરે ઝડપી લીધી હતી.
પોલીસને આ માછીમારો પાસેથી સાધનો અને ખાણી પીણાના સામાન મળી આવ્યા છે. આ મામલે સીમા પર કરીને ઘુષણખોરી કરવા પાછળનું કારણ જાણવા એજન્સીએ સધન કાર્યવાહી હાથ ધરી છે. કોસ્ટ ગાર્ડની ટીમ અબ્દુલ બોન્ફ ટન્ડેલ એમ.ડી.કાસમ શેરઅલ્લી અહેમદ એમ.ડી.સલીમના સિવાય બીજા 2 માછીમારોને મુદ્દામાલ સાથે ઝડપી પાડ્યા હતા. જોકે હવે જખૌના દરિયામાંથઈ ઝડપાયેલા માછીમારોને જખૌ મરીન પોલીસને સોપવામાં આવ્યા છે.
ઉલ્લેખનીય છે આ પહેલા પણ કચ્છના હરામીનાળા વિસ્તારમાંથી 3 પાકિસ્તાની બોટ ઝડપી લેવામાં આવી હતી. પાકિસ્તાની માછીમારોની ગેરકાયદેસર માછીમારી માટે કુખ્યાત હરામીનાળા વિસ્તારમાંથી BSF ના જવાનોએ વધુ 3 પાકિસ્તાની બોટ તેમજ 3 પાકિસ્તાનીઓને ઝડપી લીધા. છેલ્લા કેટલાક સમયગાળાથી પાકિસ્તાન દ્વારા ભારતની હદમાં ઘૂસણખોરીની હરકત કરી રહ્યું છે.અને થોડા સમય પહેલા જ કચ્છના અમુક વિસ્તારમાં કોઈ અજાણ્યો શખ્સ પણ ફરતો જોવા મળ્યો હતો તેને પગલે બીએસએફ અને ભારતની સુરક્ષા એજન્સીઓ દ્વારા વિવિધ તાપસ હાથ ધરવામાં આવી હતી.