કચ્છના ભચાઉમાં કેમિકલ ભરેલા ટેન્કરમાં ભીષણ આગ લાગી. ભચાઉ હાઈવે પર આગ લાગતા થોડીવાર માટે અફરા તફરીનો માહોલ સર્જાયો. ઘટનાની જાણ ફાયર વિભાગ અને પોલીસને કરવામાં આવતા તેઓ ઘટના સ્થળે પહોંચ્યા અને ભારે જહેમત બાદ આગ પર કાબૂ મેળવ્યો.
જો કે આગમાં આખું ટેન્કર બળીને ખાખ થઈ ગયું. પરંતુ આગમાં કોઈ જાનહાનિના સમાચાર સામે આવ્યા નથી. આગ ક્યાં કારણોસર લાગી તે તપાસનો વિષય છે.
આ ઘટના મામલે મળતી જાણકારી મુજબ ભચાઉમાં કેમિકલ ભરેલા એક ટેન્કરમાં ભારે આગ લાગવાની એક ઘટના સામે આવી છે. ટેન્કરમાં કોઈ કારણોસર અચાનક જ આગ લાગી હતી.
જો કે આ અંગેની જાણ થતાં જ ફાયરબ્રેગડની ટીમ તાત્કાલિક ઘટનાસ્થળે પહોંચી ગઈ હતી અને આગ પર કાબૂ મેળવાની કામગીરી શરૂ કરી દીધી છે.જો કે આ સમગ્ર ઘટનામાં કોઈ જાનહાની થઈ નથી.
ઉલ્લેખનીય છે કે ભરૂચમાં મોટા પ્રમાણમાં GIDCનો હિસ્સો આવેલો છે ત્યારે રોજબરોજ મોટી સંખ્યામાં ટેન્કરની અવરજવર પણ આ રોડ પર થતી હોય છે ત્યારે ગતરોજ ટેન્કરમાં આગ લાગવાની ઘટના બનતા ટ્રાફિક જામની સમસ્યા સર્જાઇ હતી. જો કે સમયસર ફાયર બ્રિગેડના વાહનો ઘટના સ્થળે આવી પહોંચતા આગ પર કાબૂ મેળવવા કવાયત હાથ ધરી હતી.