કચ્છ / રાજ્યમાં વેસ્ટર્ન ડિસ્ટર્બન્સની અસર, કોલ્ડસીટી નલિયા બન્યું સૌથી ઠંડુ શહેર

• ઉત્તર ભારતમા ભારે હિમવર્ષાના કારણે રાજ્યમાં ઠંડીનો ચમકારો
• કચ્છ ઠંડીની ચપેટમાં આવ્યું, નલિયા ઠંડુગાર બન્યું
• નલિયામાં તાપમાનનો પારો 8 ડીગ્રીએ પહોંચ્યો

ઉત્તર ભારતમા ભારે હિમવર્ષાના કારણે ગુજરાતમા ઠંડીના પ્રમાણમાં વધારો થયો છે.. ત્યારે હવે કચ્છ  ઠંડીની  લપેટમાં આવી ગયું છે.

કચ્છ જીલ્લાના નલિયામાં દરવર્ષની જેમ આ વર્ષે પણ કાતિલ ઠંડી પડવાની શરૂઆત થઇ ગઇ છે. 

જો કે નલિયામાં ઠંડીથી બચવા માટે લોકો ગરમ કપડાનો ઉપયોગ કરી રહ્યા છે. જો કે હવામાન વિભાગ દ્વારા આગામી દિવસોમાં વધુ ઠંડીની આગાહી પણ કરવામાં આવી છે.

જેના કારણે ખેડૂતોમાં ખુશીનો માહોલ જોવા મળી રહ્યો છે. ઠંડી પડવાના કારણે રવિ પાકમાં ખેડૂતોને ફાયદો થઈ શકે છે.

આમ ઉત્તર ભારતમાં પડી રહેલ હિમવર્ષના પગલે રાજ્યમાં કચ્છના નલિયામાં તાપમાનનો પારો 8 ડીગ્રીએ પહોંચી જતા સીઝનનું સૌથી ઓછુ તાપમાન નોંધાયું છે. આમ રાજ્યનું કોલ્ડ સીટી ગણાતા નલિયા રાજ્યનું સૌથી ઠંડુ શહેર બની ગયું હતું.

જો કે કચ્છના અન્ય શહેરોમાં માંડવી, ભુજ, કંડલા એરપોરમાં પણ તાપમાનમાં પારો ગગડતાં લોકો કાતિલ ઠંડીનો અનુભવ કરી રહ્યાં છે. તાપમાનમાં એકાએક ઘટાડો થતાં લોકો ઠંડીથી ઠુઠવાઇ ગયા હતા.