- જેલમાં રહીને આવ્યા પછી તુરંત જ કેઆરકે તેમના જૂના અંદાજમાં જોવા મળ્યો
- 'હું બદલો લેવા માટે પાછો આવ્યો છું'. -કેઆરકે
- કરણ જોહર ફિલ્મની નિષ્ફળતા માટે મને દોષ ન આપતા
કમાલ આર ખાન એટલે કે કેઆરકે પોતાના વિવાદાસ્પદ નિવેદનો અને ટ્વિટને કારણે હંમેશા ચર્ચામાં રહે છે. હાલમાં જ તેમના એક જૂના ટ્વિટ કેસમાં મુંબઈ એરપોર્ટ પરથી તેની ધરપકડ કરવામાં આવી હતી અને એ પછી થોડા દિવસ જેલમાં રહ્યા બાદ તેમને જામીન મળી ગયા હતા. જેલમાં રહીને આવ્યા પછી તુરંત જ કેઆરકે તેમના જૂના અંદાજમાં જોવા મળી રહ્યા છે. હાલ ફરી કેઆરકેએ એક ટ્વિટ કર્યું છે, જેના કારણે તે ફરી ચર્ચામાં આવી ગયો છે.
'હું બદલો લેવા માટે પાછો આવ્યો છું'.
KRK ઉર્ફે કમાલ આર ખાને તાજેતરમાં જ 'બ્રહ્માસ્ત્ર રિવ્યૂ' પર એક ટ્વિટ કર્યું હતું. જણાવી દઈએ કે કેઆરકે જેલમાંથી બહાર આવ્યો છે ત્યારથી દરેક તેની પોસ્ટ પર કોમેન્ટ કરીને બ્રહ્માસ્ત્ર પર રિવ્યુ આપવાની માંગ કરી રહ્યા હતા પણ જેલમાંથી છૂટયા પછી કેઆરકે કંઈક અલગ જ દેખાઈ રહ્યા છે. જેલમાંથી બહાર આવતાની સાથે કેઆરકે એ પહેલું ટ્વિટ કર્યું તે હતું 'હું બદલો લેવા માટે પાછો આવ્યો છું'. પણ થોડા કલાકો પછી કેઆરકે પોતાનું ટ્વિટ ડિલીટ કરી દીધું હતું.
લોકોએ ડર્યા વગર બ્રહ્માસ્ત્રનો રિવ્યુ કરવા કહ્યું
એ પછી તેને ટ્વિટ કર્યુ હતું કે, ' ઘણા લોકો કહી રહ્યા છે કે મારી ધરપકડ પાછળ કરણ જોહરનો હાથ હતો. ના, તે સાચું નથી. કરણ જોહર, શાહરૂખ ખાન, આમિર ખાન, અજય દેવગન, અક્ષય કુમાર જેવા કોઈ પણ લોકોનું મારી ધરપકડ સાથે કોઈ લેવાદેવા નથી." આવા ટ્વિટ જોઈને લોકો કેઆરકેનો સપૉર્ટ કરી રહ્યા હતા અને કોમેન્ટ કરીને ડર્યા વગર બ્રહ્માસ્ત્રનો રિવ્યુ કરવા માટે કહી રહ્યા હતા.
કરણ જોહર ફિલ્મની નિષ્ફળતા માટે મને દોષ ન આપતા
અંતે આજે સવારે કેઆરકે એ ટ્વિટ કરીને બ્રહ્માસ્ત્ર વિશે અપડેટ આપી હતી, તેને લખ્યું હતું કે, ' મેં ફિલ્મ બ્રહ્માસ્ત્રની સમીક્ષા નથી કરી, છતાં લોકો તેને જોવા માટે થિયેટરમાં નથી જતાં. તો આ એક ફ્લોપ ફિલ્મ બની ગઈ છે. આશા રાખું છું કે કરણ જોહર ફિલ્મની નિષ્ફળતા માટે મને દોષ ન આપે.'
કેઆરકેનું આ ટ્વીટ હાલ સોશિયલ મીડિયા પર વાયરલ થઈ રહ્યું છે. લોકોકમેન્ટ કરીને તેનો સાથ આપી રહ્યા છે. એક યુઝરે લખ્યું હતું કે , "ભાઈ અમે તારી સાથે છીએફિલ્મની સમીક્ષા કરતા રહો નહીંતર અમને લાગશે કે અમે ખોટા વ્યક્તિને સમર્થન આપ્યું" અન્ય એક યુઝરે લખ્યું, "KRK ભાઈ પ્લીઝ પહેલાની જેમ રોજેરોજ વિડિયો પોસ્ટ કરો... ભાઈ મને તમારા વિડિયો વિના મજા નથી આવતી, ખબર નથી કે તેં અમારા પર શું જાદુ કર્યો છે, ડર્યા વિના વીડિયો પોસ્ટ કરો"
