બોલિવુડ એક્ટ્રેસ ક્રિતિ સેનને ઘણા ઓછા સમયમાં પોતાનાની એક્ટિંગથી ઓડિયન્સનું દિલ જીતી લીધુ છે. આજે ક્રિતિ પોતાનો 29મો બર્થ ડે સેલિબ્રેટ કરી રહી છે, તો જાણીએ તેના વિશે કેટલીક અજાણી વાતો...
ક્રિતિએ 2014માં હિરોપંતીથી બોલિવુડમાં પોતાના કરિયરની શરૂઆત કરી હતી. જે પછી તે શાહરૂખ ખાન, કાજોલ અને વરૂણ ધવન સ્ટારર ફિલ્મ 'દિલવાલે'માં જોવા મળી હતી. છેલ્લા 5 વર્ષમાં તેણે ઘણી હિટ ફિલ્મોમાં કામ કર્યુ છે.
ક્રિતિનો જન્મ 27 જૂલાઇ, 1990ના દિવસે ન્યૂ દિલ્હીમાં થયો હતો. ભણવામાં ક્રિતિ હોશિયાર હતી, તેમ છતાં તેણે એન્જિનિયરિંગ છોડીને બોલિવુડમાં પોતાનું કરિયર બનાવવી જિદ્દ કરી. જોકે પિતાએ શરત મૂકી કે અભ્યાસ પૂરો કરીને જ મુંબઇ જશે, જે પછી ક્રિતિએ અભ્યાસ પૂરો કરીને બોલિવુડમાં કામ કરવા માટે મુંબઇ ગઇ હતી.
ક્રિતિના પિતાએ રાહુલ સેનન એક CA છે, જ્યારે તેની માતા ગીતા સેનન યૂનિવર્સિટી ઑફ દિલ્હીમાં પ્રોફેસર છે.
તેની નાની બહેન નુપુર સેનન પણ બોલિવુડમાં ડેબ્યૂ કરશે તેવી ચર્ચા છે.
હિન્દી ફિલ્મોમાં આવતા પહેલા ક્રિતિએ તેલૂગુ ફિલ્મ Nenokkadie થી એક્ટિંગની શરૂઆત કરી હતી. જે પછી તેણે બોલિવુડમાં બ્રેક મળ્યો. ક્રિતિ ફિટનેસ ફ્રિક છે. તે પોતાને ફિટ રાખવા માટે હંમેશા જિમમાં વર્કઆઉટ કરતી હોય છે. ઘણા ઓછા લોકો જાણે છે કે ક્રિતિએ ક્લાસિકલ ડાન્સ કથકની ટ્રેનિંગ લીધી છે.
વર્કફ્રન્ટની વાત કરવામાં આવે તો ક્રિતિ ફિલ્મ 'અર્જૂન પટિયાલા'માં જોવા મળી રહી છે. આ ફિલ્મને જોકે ક્રિટિક્સ અને ઓડિયન્સ મિક્સ રિવ્યૂઝ આપી રહ્યા છે. આ સિવાય એક્ટ્રેસ મલ્ટી સ્ટારર ફિલ્મ ‘હાઉસફુલ 4’ પણ ટૂંક સમયમાં રિલીઝ થશે. તદ્દઉપરાંત તે ‘પાણીપત'ના શૂટિંગમાં બિઝી છે.
ક્રિતિની પર્સનલ એટલે કે લવ લાઇફની વાત કરીએ તો, ક્રિતિનું નામ બોલિવુડ એક્ટર સુશાંત સિંહ રાજપૂત સાથે જોડાયુ હતુ. ક્રિતિના જ કારણે સુશાંતનુ તેની ગર્લફ્રેન્ડ અંકિતા સાથે બ્રેકઅપ થયુ હતુ તેવી ચર્ચા હતી. જોકે સુશાંત હાલમાં ક્રિતિને છોડીને એક્ટ્રેસ રિયા ચક્રવર્તીને ડેટ કરી રહ્યો છે.