રહસ્ય / ગાડીમાં બેસતાની સાથે જ શા માટે આવે છે ઊંઘ? જાણો આ પાછળનું વૈજ્ઞાનિક રહસ્ય

• ગાડીમાં મુસાફરી દરમિયાન આવવા લાગે છે ઊંઘ 
• આ પાછળ છુપાયેલું છે વિજ્ઞાન 
• સ્લીપ ડેબ્ટ, બોર થવું અને હાઈવે હિપ્નોસીસ પણ છે આ પાછળનાં કારણો 

તમે ઘણીવાર જોયું હશે કે જ્યારે આપણે મુસાફરી કરીએ છીએ ત્યારે ગાડીમાં બેસતા જ આપણને ઊંઘ આવવા લાગે છે. શું તમે ક્યારેય વિચાર્યું છે કે આવું શા માટે થાય છે? આમ બનવા પાછળ વિજ્ઞાન છુપાયેલું છે. 

રિસર્ચમાં સામે આવી આ વાત 
આ બાબતને લઈને રિસર્ચમાં ઘણી વાતો સામે આવી છે. સ્લીપ ડેબ્ટ, બોર થવું અને હાઈવે હિપ્નોસીસને આ પાછળના કારણો જણાવવામાં આવ્યા છે. 

તૈયારીમાં ઊંઘ પૂરી થતી નથી 
જો તમે ક્યાંય જવાના હોવ તો એ પહેલા તમારે ઘણી તૈયારી કરવી પડતી હોય છે. આ ઉપરાંત, તમારા મગજમાં એ જ વાતો ચાલતી હોય છે કે ક્યાંય કોઈ વસ્તુ રહી ન જાય.આ ચક્કરમાં તમારી ઊંઘ પૂરી થતી નથી, જેને સ્લીપ ડેબ્ટ પણ કહેવાય છે. આ જ મુસાફરી દરમિયાન ઊંઘ આવવા પાછળનું સૌથી મોટું કારણ છે. 

જાણો આ પાછળનું વિજ્ઞાન 
રિસર્ચ અનુસાર, ચાલતી ગાડીમાં લોકોને ત્યારે ઊંઘ આવે છે, જ્યારે તેઓ કંઈ જ ન કરી રહ્યા હોય.આ દરમિયાન, મગજ અને શરીર રીલેક્સ થવા લાગે છે. એટલા માટે સફર દરમિયાન, લોકોને ઊંઘ આવવા લાગે છે. આ સ્થિતિને હાઈવે હિપ્નોસીસ કહેવામાં આવે છે. 

ચાલતી ગાડીની મુવમેન્ટ પણ છે જવાબદાર 
રિસર્ચમાં કહેવામાં આવ્યું છે કે ચાલતી ગાડીમાં થતી મુવમેન્ટ પણ મુસાફરી દરમિયાન ઊંઘ લાવવાનું કામ કરે છે.આ દરમિયાન, તમારું બોડી ઠીક એમ જ કામ કરે છે, જેમ બાળપણમાં મમ્મી બાળકને સુવડાવવા માટે ખોળામાં હાલક ડોલક કરાવે છે. વિજ્ઞાનની ભાષામાં તેને રોકિંગ સેન્સેશન કહેવાય છે. 

એક જ ફ્લોમાં હલન ચલન થયા બાદ આવે છે ઊંઘ 
જ્યારે તમે એક જ ફ્લોમાં હલન ચલન કરો છો, તો તેને રોકિંગ સેન્સેશન કહેવાય છે, જેની મગજ પર સિંક્રોનાઈઝીંગ ઈફેક્ટ પડે છે. આમ થવાથી તમે સ્લીપિંગ મોડમાં ચાલ્યા જાઓ છો. તેને સ્લો રોકિંગ પણ કહેવાય છે.