મહેન્દ્ર સિંહ ધોની આ વર્લ્ડકપમાં કંઇક અલગ કરતો જોવા મળી રહ્યો છે. જી હા, ધોની જે બેટનો ઉપયોગ કરી રહ્યો છે તેના પર સ્ટીકર અલગ-અલગ કંપનીઓના છે.
સામાન્ય રીતે ક્રિકેટના ફેન્સ જાણે છે કે, ધોની ઘણી વખત રિબોકના બેટની સાથે રમતો જોવા મળે છે. પરંતુ આ વર્લ્ડ કપ દરમિયાન ઇંગ્લેન્ડ સામેની મેચમાં ધોની જ્યારે બેટિંગ કરવા માટં આવ્યો ત્યારે તેના બેટ પર SG બ્રાન્ડનું સ્ટીકર હતુ. પણ પછી તેણે જે બેટ મંગાવ્યુ તેના પર BASનું સ્ટીકર જોવા મળ્યુ. વેસ્ટ ઇન્ડિઝ મેચમાં ધોનીના બેટ પર SUNRIDGESનું સ્ટીકર હતુ.
ધોનીના મેનેજરે જણાવ્યુ કે, ''આ વાત સાચ્ચી છે, ધોની ટૂર્નામેન્ટમાં અલગ-અલગ બ્રાન્ડના બેટનો ઉપયોગ કરી રહ્યો છે, પરંતુ તે તેના માટે કોઇ ચાર્જ લેતો નથી. આ કંપનીઓ સાથે ધોનીની કોઈ ડીલ પણ નથી.ધોની તેના કરિયરના ઉતાર-ચઢાવ દરમિયાન તેનો સાથ આપનારા લોકોનો આભાર વ્યકત કરવા માંગે છે. ''
તેમણે આગળ કહ્યુ કે, ''ધોનીની દિલ બહુ મોટું છે. તેની પૈસાની જરૂર નથી, તેની પાસે ઘણા રૂપિયા છે. આ બેટ્સનો ઉપયોગ માત્ર આભાર વ્યકત કરવા માટે કરે છે. BAS શરૂઆતથી તેની સાથે જોડાયેલુ છે અને SG પણ તેની ઘણી મદદ કરી છે.''
આ સિવાય વેમ્પાયર કંપનીના માલિકે જણાવ્યુ કે, ''ધોની સાથે અમે લાંબા સમયથી જોડાયેલા છીએ. જો તમે તેની બાયોપિકમાં પણ જોઇ શકો છો. '' BASનું સ્ટીકર વેમ્પાયર કંપનીનું છે.