દિન પ્રતિદિન સોના ચાંદીના ભાવમાં વધારો ઘટાડો થતો રહે છે. મિડલ ક્લાસ માટે તો સોનુ ખરીદવું જાણે સપના જેવું થઇ ગયુ છે. ત્યારે આજે શું છે સોનાના ભાવ આવો જાણીએ.
સોનાના ભાવના ઘટ્યા ભાવ
80000 નહી થાય સોનાના ભાવ
સોનુ લેવુ સપનુ નહી રહી જાય
ઓગસ્ટમાં સોનું 10 ગ્રામદીઠ રૂ. 56,000ની સર્વોચ્ચ સપાટીએ પહોચી ગયું ત્યારે એવા રિપોર્ટ આવતા હતા કે સોનું હવે રૂ. 80,000ની સપાટીએ પહોચી જશે, પરંતુ ડોલરની નબળી સ્થિતિ અને વૈશ્વિક સ્તરે કોરોના મહામારીની અસર ધીમે ધીમે ઘટી રહી છે. એને કારણે બુલિયનમાં રોકાણ ઓછું થતાં આંતરરાષ્ટ્રીય બજારમાં સોનામાં ઘટાડો થઈ રહ્યો છે અને તેની પાછળ સ્થાનિક બજારમાં પણ એ સતત ઘટી રહ્યું છે. જાણકારો માને છે કે આવતા એકાદ મહિનામાં સોનું રૂ. 48,000 પ્રતિ દસ ગ્રામ થઈ શકે છે.
અઠવાડિયામાં 2500 રૂપિયાનો ઘટાડો
ગયા ગુરુવારે સોનાનો ભાવ 54000 હતો, તેમાં ઘટાડો થઇને આજે તેનો ભાવ 51500 રૂપિયા છે. માટે માત્ર એક જ સપ્તાહમાં સોનાના ભાવમાં 2500 રૂપિયાનો ઘટાડો નોંધાયો છે. માનવામાં આવે છે કે તહેવારોને કારણે સોનાના ભાવમાં ઘટાડો થશે.
કેમ નથી થઇ રહી ખરીદી
કોરોના કાળને કારણે લોકો સોનાની ખરીદી નથી કરી રહ્યાં. સોનાની ખરીદી પર બ્રેક લાગી ગઇ છે. ત્યારે જાણકારોનું માનવું છે કે સોનાના ભાવ હજુ પણ ગગડશે અને 48000-49000 જેટલો ભાવ થઇ જશે.
સોનાના ભાવમાં ઘટાડો થવા પાછળનું મુખ્ય કારણ ડોલર ઈન્ડેક્સમાં તેજી છે. ડોલર ઇન્ડેક્સ બાસ્કેટમાં અન્ય ચલણની તુલનામાં 8 અઠવાડિયાંની ઊંચી સપાટીએ છે. ફેડના અધ્યક્ષે કોંગ્રેસને આપેલી જુબાનીમાં જણાવ્યું હતું કે વિકાસદરને ટકાવી રાખવા માટે વધુ સરકારી ખર્ચની જરૂર પડશે, કારણ કે વધુ રાહત નિર્ણાયક છે. સોનામાં ઘટાડો થવા પાછળનું એક કારણ યુરોપમાં બીજું લોકડાઉન થવાનો ભય પણ છે.