રેસિપી / માત્ર 2 જ મિનિટમાં ઘરે બનાવો એકદમ બહાર જેવો ફેમસ જાંબુ શોટ્સ, બધાંને મજા પડી જશે

સામગ્રી

250 ગામ જાંબુ
2 ચમચી દળેલી ખાંડ
1/2 લીંબુ નો રસ
1 ચમચી સંચળ

રીત 

સૌથી પહેલાં જે ગ્લાસમાં જાંબુનો જ્યૂસ કાઢવાનો હોય તેની કિનારીને પાણીમાં ડીપ કરી પછી એક પ્લેટમાં સંચળ અને લીબુંનો રસ મિક્સ કરી તેના પર ઉંધો ગ્લાસ કરી તેની કિનારી પર લગાવી દો. હવે સૌથી પહેલાં જાંબુને ધોઈને તેના ઠળિયા કાઢી લો. પછી તેને મિક્સરમાં લઈને તેમાં એક વાટકી આઈસ ક્યૂબ નાખો પછી તેમાં ખાંડ અને સંચળ નાખીને બ્લેન્ડ કરો. પછી તેમાં અડધો ગ્લાસ પાણી નાખીને ફરી બ્લેન્ડ કરી લો. બસ તૈયાર છે જાંબુ શોટ્સ સર્વ કરવા માટે. ઘરમાં સૌને પડી જશે મજા. એક વાતનું ધ્યાન રાખવું કે જાંબુના જ્યૂસમાં વધુ પાણી ઉમેરવું નહીં અને તેને થોડું થિક રાખવું. 

જાંબુના ફાયદા

જાંબુમાં કેરોટીન, આર્યન, કેલ્શિયમ, પોટેશિયમ, ફોસ્ફરસ,અને મેગ્નેશિયમ ભરપૂર માત્રામાં હોય છે. તેમાં એન્ટિઓક્સિડેન્ટ અને ફાયટોકેમિકલ બહોળા પ્રમાણમાં હોય છે.જે આપણી રોગ પ્રતિકારક શક્તિ વધારે છે.
વાળ અને સ્કિન માટે પણ જાંબુ ખૂબ જ ફાયદાકારક છે. જાંબુ શરીરમાં શુગર લેવલ ઓછું કરે છે, જે ડાયાબિટીસના પેશન્ટ માટે ફાયદાકારક છે. હાયપર ટેન્શન જેવી બીમારી દૂર કરે છે. હાડકાં મજબૂત બનાવે છે. બને એટલો જાંબુનો ઉપયોગ આ સીઝનમાં કરો અને તેના ફાયદાઓ મેળવો.