પરમાનેન્ટ એકાઉન્ટ નંબર એટલે કે, પાન કાર્ડ એક ખૂબ જ જરૂરી ડોક્યૂમેન્ટ છે. તેના વગર ઘણાં એવા કામ છે જે રોકાઈ જાય છે. પછી તે ઈન્કમ ટેક્સ રિટર્ન ફાઈલ કરવાનું કામ હોય કે, બેંકમાં 50 હજાર રૂપિયાથી વધુ રકમ જમા કરાવાનું કામ હોય, આ બધામાં પાન કાર્ડની જરૂર પડે છે. પરંતુ કોરોનાને કારણે લોકો ઘરની બહાર જઈને પાન કાર્ડ બનાવી નથી શકી રહ્યાં. જો તમારી પાસે પણ પાન કાર્ડ નથી અને નવું પાન કાર્ડ બનાવવા માંગો છો તો જાણી લો પ્રોસેસ.
લોકડાઉનમાં ઘેર બેઠા જ બનાવો તમારું પાન કાર્ડ
ઓનલાઈન આ સરળ પ્રોસેસથી બની જશે પાન કાર્ડ
ઘણાં કામોમાં પાન કાર્ડની જરૂર પડતી હોય છે
ઓનલાઈન પાન કાર્ડની અરજી કરવી ખૂબ જ સરળ છે. તેના દ્વારા તમે મિનિટોમાં તમારું પાન કાર્ડ મેળવી શકો છો. આ કાર્ડને ઈ-પાન પણ કહે છે. જેને એપ્લાય કર્યા બાદ તમે તરત ડાઉનલોડ કરી શકો છો.
E-PAN કાર્ડ બનાવવા માટે આ ડોક્યૂમેન્ટ્સ જોઈશે
આ સેવા એવા લોકો માટે છે જેમણે અત્યાર સુધી પાન કાર્ડ બનાવ્યું નથી. E-PAN માટે તમારે આધાર નંબર આપવો પડશે. જેનાથી ઓટીપી જનરેટ થશે અને તમારું E-PAN મિનિટોમાં આવી જશે.
E-PAN કાર્ડ બનાવવાની પ્રોસેસ
Https://www.incometaxindiaefiling.gov.in/home પર જાઓ.
અહીં Instant PAN through Aadhaar New લિંક પર ક્લિક કરો
પછી બે ઓપ્શન ખુલશે-પહેલું Get New PAN અને બીજું-ચેક સ્ટેટસ/ ડાઉનલોડ પાન
હવે આધાર નંબર આપવો પડશે અને પછી મોબાઈલ નંબર પર ઓટીપી આવશે.
ઓટીપીથી આધારની જાણકારીનું વેરિફિકેશન થશે.
ત્યારબાદ તરત જ ઈ પાન જારી થઈ જશે અને ગ્રાહક તેનો ઈ-પાન ડાઉનલોડ કરી શકશે.
પાન કાર્ડથી સારું છે E-PAN
E-PAN, પાન કાર્ડની ફિઝિકલ કોપીથી અનેક ગણું સારું છે. તે ખોવાઈ જવાની ઝંઝટ રહેતી નથી. પણ જો તમારે તેની કોપી જોઈએ તો 50 રૂપિયામાં પ્રિંટ લઈને લેમિનેટ કરાવી શકો છો.
PAN ન હોવાથી આ જરૂર કામ નહીં થાય
વાહન ખરીદવા, બેંક એકાઉન્ટ ઓપન કરાવવા, ડેબિટ અથવા ક્રેડિટ કાર્ડ એપ્લાય કરવા સહિત 16 જગ્યાએ પાન કાર્ડની જરૂર પડે છે. જેથી જો તમારી પાસે હજી સુધી પાન નથી તો તમારા ઘણાં જરૂરી કામ રોકાઈ જશે.