ચા પીનાર ઘણા લોકોને હેલ્થ બેનીફીટ્સ વશે જાણ હોતી નથી. જાણો ચા સ્વાસ્થ્ય માટે કેટલી ફાયદાકારક છે
ચા છે સ્વાસ્થ્ય માટે ફાયદાકારક
સ્ટ્રોક અને હાર્ટ સંબંધિત સમસ્યાઓમાં ઉપયોગી
ઇમ્યુનિટી મજબૂત કરે છે
ચા ન માત્ર ભારતમાં પણ દુનિયા આખીમાં ઘણા દેશોમાં સૌથી વધારે પસંદ કરવામાં આવતું બેવરેજ છે. ભારત સિવાય ચીન અને જપાનમાં પણ ઘણા લોકો ચાનું સેવન કરે છે. ચા પીનાર ઘણા લોકોને હેલ્થ બેનીફીટ્સ વશે જાણ હોતી નથી. ચા પીવાથી થતા ફાયદાઓને લઈને એક સ્ટડીમાં ખુલાસો કરવામાં આવ્યો છે.
ચામાં શું શું હોય છે?
ચામાં પોલીફેનોલ્સ, કેટેચીન, થિયાફ્લેવિન્સ અને થેરૂબિગીન્સ કામ્પોનન્ટસ હોય છે. આમાં ઇન્ફ્લેમેટરી, કેન્સર અવરોધી અને કાર્ડિયોપ્રોટેક્ટીવ ગુણ હોય છે. નવા રિસર્ચ અનુસાર, ચા કેન્સર અને હાર્ટની સમસ્યાઓ સામે લડવામાં કારગર સાબિત થાય છે.
કઈ કઈ બીમારીઓનું જોખમ ઘટે છે?
ચાના પત્તામાં ભરપૂર માત્રામાં મળતા એન્ટીઓક્સીડન્ટ લોહીમાંથી હાનિકારક મોલિક્યૂલ્સને બહાર કાઢવામાં અને સોજો ઘટાડવામાં પણ મદદરૂપ થાય છે. યૂએસટી કાઉન્સિલ અનુસાર, કાળી,લીલી અને હર્બલ ચામાં વધારે માત્રામાં મળતા ફ્લેવોનોઇડ્સ તમારી ઇમ્યુનિટી મજબૂત કરી બેક્ટેરિયા અને વાયરલ ઇન્ફેકશન સામે લડવામાં મદદ કરે છે.આ ઉપરાંત, ચા ડિમેન્શિયાનું જોખમ અને સ્ટ્રેસ ઘટાડવામાં પણ મદદ કરે છે.
રિસર્ચ શું કહે છે?
રિસર્ચ અનુસાર, રોજ 1 કપ ચા સ્ટ્રોક કે હાર્ટ પ્રોબ્લેમનાં જોખમને 4% સુધી ઘટાડે છે. સાથે જ યુવાઓમાં મૃત્યુનાં ખતરાને પણ 1.5% સુધી ઘટાડે છે. પરંતુ બીજા રિસર્ચમાં આ વાતની પણ ચેતવણી આપવામાં આવી છે કે વધારે ગરમ ચા પીવાથી ઇસોફેગલ કેન્સરનું જોખમ પણ વધી શકે છે.