બર્થ-ડે સ્પેશ્યલ / અમિત શાહની ચા પીવાની આ આદત વિશે તમે નહીં જાણતા હોવ

• અમિત શાહનો આજે 55મો જન્મદિવસ
• ફાજલ સમયમાં ચેસ રમીને ફ્રેશ થાય છે શાહ
• 13 વર્ષની ઉંમરે શાળામાં મોનિટરની પહેલી ચૂંટણી લડ્યા હતા શાહ

આવો છે અમિત શાહનો પરિવાર, મળ્યા સાઈકલવાળા ગુરુ

કારોબારી પરિવારમાં જન્મેલા અમિત શાહની લાઈફ જાણવા જેવી છે. ગુજરાતના નાના માણસામાં રેહનારા અમિત શાહના પિતા અને દાદા કારોબાર સાથે સંકળાયેલા હતા. આ જ કારણ છે કે શાહે નાની ઉંમરમાં જ  પીવીસી પાઈપની ફેક્ટરી અને શેરબજારમાં પણ કામ કર્યું પણ તેમનું મન અહીં લાગ્યું નહીં. તેઓ RSSમાં રતિભાઈ સાથે જોડાયા અને તેમની પાસેથી પહેલો પાઠ શીખ્યા. તેમની સાથે સાઈકલ પર સવારી કરીને જતા. તે સમયે તેમને મળ્યા હતા સાઈકલવાળા ગુરુ.

માણસાની RBIની હાઈસ્કૂલમાં ભણતા હતા શાહ

અમિત શાહ આજ દિન સુધી કોઈ ચૂંટણી હાર્યા નથી. ફક્ત 13 વર્ષની ઉંમરે તેઓ પહેલી ચૂંટણી લડ્યા. આ ચૂંટણી મોનિટર બનવાની હતી. આ સમયે શાહ 7માં ધોરણમાં ભણતા હતા. 50 બાળકોના ક્લાસમાં લગભગ 70 ટકા બાળકોએ તેમને પસંદ કર્યા હતા. અમિત શાહના મિત્રો તેમને શાંત ગણાવતા હતા. માણસાની હાઈસ્કૂલમાં ભણ્યા બાદ તેઓ વધારે અભ્યાસ માટે અમદાવાદ આવ્યા.

બંગાળી ભાષા પણ વાંચી શકે છે

અમિત શાહ બંગાળી ભાષા પણ વાંચી શકે છે. 5 વર્ષ પહેલાં અમિત શાહે આ માટેના ક્લાસ લીધા હતા. બાંગ્લાની 2 બુક્સ ખરીદી અને બેંગોલી ફોર બિગિનર્સની મદદથી ભાષા શીખી. તેમની સંકલ્પ શક્તિ ખૂબ જ સારી છે. તેમની આ સ્ટાઈલથી તેઓ આગળ વધ્યા છે. 

શાળામાં આ નાટક ભજવ્યું હતું અમિત શાહે

અમિત શાહ ભણવામાં હોંશિયાર હતા. નાટકોમાં ભાગ લેતા. શાહે એક અનુભવી પિતાનો રોલ ભજવ્યો હતો. નાટકનું નામ હતું પાપાનો પક્ષપલટો. જે 6 બગડેલા બાળકોને શિક્ષા આપીને યોગ્ય પથ પર લાવે છે. ઉંમરથી મોટા રોલને પણ શાહે સરસ રીતે નિભાવ્યો હતો. નાટક જોનારા ખૂબ પ્રભાવિત થયા.

સમય મળે ત્યારે ચેસ રમવું પસંદ કરે છે શાહ

રાજનીતીમાં વિરોધી પક્ષને હરાવવામાં માહિર અમિત શાહને ચેસ ખૂબ પસંદ છે. થોડો પણ સમય મળે ત્યારે શાહ ચેસ રમવાનું પસંદ કરે છે. તેનાથી તેઓ ફ્રેશ થાય છે અને તેમને રાજકીય દાવપેચના નવા રસ્તા પણ મળી રહે છે. શાહને ક્રિકેટનો પણ શોખ છે. નજીકના મિત્રો જણાવે છે કે તે ક્રિકેટના સારા ખેલાડી છે અને તેમની વર્કિંગ સ્ટાઈલમાં પણ સ્પોર્ટ્સમેન સ્પીરીટ છલકાતો જોઈ શકાય છે. તે એક ચોક્કસ લક્ષ્ય નક્કી કરે છે. તેના આધારે રણનીતી બનાવે છે અને પછી લડે છે. તેથી તેમની જીત નક્કી રહે છે. 

શાહને પસંદ છે આ ફૂડ

શાહને પાવભાજી અને ભજીયા ખૂબ જ પસંદ છે. જ્યારે પણ સમય મળે તો તીખી પાવભાજી ખાવાનું પસંદ કરે છે. આ સિવાય સભા દરમિયાન બહાર હોય ત્યારે મોંધી હોટલમાં જમવાના બદલે તેમને ઢાબા પર જમવાનું ખૂબ પસંદ છે. સામાન્ય લોકો સાથે જમવામાં તેમને આનંદ આવે છે.

અમિત શાહ ઠંડી ચા પીવે છે

શાહને ચા ખૂબ પસંદ છે. પરંતુ ગમે તેટલી ઉતાવળ હોય તો પણ તે ચા ઠંડી કરીને જ પીવે છે. ઠંડી ચાના શોખીન છે અમિત શાહ. 

ટાઈમ મેનેજમેન્ટના માસ્ટર છે અમિત શાહ

ઘણા ઓછા લોકો જાણે છે કે અમિત શાહ સમયના પાબંધ છે. સવારે તે જલ્દી ઉઠે છે અને યોગ પણ કરે છે. સવારે ફોન પર વાત કરે છે, લોકોને મળે છે અને ટાઇમ મેનેજમેન્ટના આધારે ચાલે છે. તે ક્યારેય ઘડિયાળ પહેરતા નથી પણ સમયને ક્યારેય ચૂકતા નથી.

અમિત શાહને નથી આવડતું ગાડી ચલાવતા

અમિત શાહને તમે ગાડીમાં જોયા હશે પણ હંમેશા પાછળની સીટ પર કે ડ્રાઈવરની બાજુની સીટ પર. કારણ છે કે શાહને ગાડી ચલાવતા આવડતું નથી. તેઓ બીજેપીમાં રહ્યા કે એમએલએ બન્યા તે બાઈક ચલાવતા જોવા મળ્યા છે પણ ગાડી ચલાવતા નહીં.