ગુજરાતી રેસિપી / ટેસ્ટી અને તીખી કાઠિયાવાડી લસણની ચટણી એકવાર આ રીતથી બનાવો, 1 મહિના સુધી રહેશે ફ્રેશ

લસણની ચટણીની સામગ્રી

25 લસણની કડી
2 ચમચી કાશ્મીરી લાલ મરચું
2 ચમચી દેશી લાલ મરચું
1 ચમચી મીઠું
1/2 ચમચી ખાંડ

રીત

સૌથી પહેલાં ખાયણીમાં ઉપર જણાવેલી તમામ સામગ્રી નાખીને તેને ધીરે-ધીરે ખાંડીને વાટી લો. એકદમ પીસી લેવું. પછી એક બાઉલમાં કાઢી લેવું. તમને ઓછું તીખું ભાવે તો મરચું ઓછું નાખવું. બસ તૈયાર છે સૂકી કાઠિયાવાડી લસણની ચટણી. આ ચટણી તમે બનાવીને ફ્રીઝમાં 1 મહિના સુધી સ્ટોર કરી શકો છો. 

ગ્રેવીવાળી લસણની ચટણી

સૌથી પહેલાં ઉપર જે રીતે ચટણી વાટીને તૈયાર કરી છે તે રીતે પહેલાં તૈયાર કરી લો. પછી અડધો કપ છાશ લેવી અને અડધી ચમચી ખાંડ લેવી. પછી એક કડાઈમાં 4 ચમચી તેલ નાખી તેમાં લસણની જે ચટણી તૈયાર કરી છે તે ઉમેરવી. પછી ધીમા ગેસ પર તેને સાંતળવી. પછી તેમાં છાશ ઉમેરવી. પછી ખાંડ અને મીઠું જરૂર મુજબ ઉમેરવું. પછી 2-3 મિનિટ તેલ છૂટ્ટું પડે ત્યાં સુધી થવા દેવું. પછી ગેસ બંધ કરી દો. તમે આ ચટણી પણ ઠંડી કરીને ફ્રીઝમાં 15 દિવસ સુધી સ્ટોર કરી શકો છો અને જ્યારે પણ ખાવી હોય ત્યારે તેની મજા માણી શકો છો.