તમારા કામનું / હવે પોસ્ટ-ઑફિસના ધક્કા બંધ: બસ 20 રૂપિયા આપો, ઘેર બેઠા થશે આટલા કામ

• ડેસ્કટોપ બેંકિંગ સેવા માટે 20 રૂપિયા આપવા પડશે
• ડિજિટલ લાઈફ સર્ટીફિકેટથી લઈને ખાતું ખોલવાનું કામ કરી શકો છો 
• 11:00 AM થી 4:00 PM વચ્ચે સ્લોટ પસંદ કરી શકો છો 

ડેસ્કટોપ બેંકિંગ સેવા

નવું ફાઈનાન્સિયલ યર 1 એપ્રિલ 2022થી શરુ થઇ ગયું છે અને એટલા માટે દેશમાં પણ ઘણા ફેરફારો આપણને જોવા મળ્યા છે. આવામાં જો તમે ટેક્સ બચત માટે પીપીએફ, આરડી અથવા સુકન્યા સમૃદ્ધિમાં રોકાણ કરવા માંગો છો, તો આ કામ તમે ઘરે બેઠા કરી શકો છો. હવે આવા કામ માટે તમારે પોસ્ટ ઓફિસનાં ધક્કા ખાવાની જરૂર નથી. આ સુવિધા પોસ્ટ ઓફિસનાં ડેસ્કટોપ બેંકિંગથી ઉઠાવી શકો છો. પોસ્ટ ઓફિસની આ સેવા દેશભરનાં દરેક જીલ્લા, તાલુકા, ગામ નાગરીકો માટે ઉપલબ્ધ છે. આઈપીપીબી અનુસાર, ડેસ્કટોપ બેંકિંગનાં માધ્યમથી તમે બેંક ખાતું. ફંડ ટ્રાન્સફર, બિલ પેમેંટ, સ્મોલ સેવિંગ વગેરે જેવા કામ કરી શકો છો. જોકે ડેસ્કટોપ બેંકિંગ સેવા માટે તમારે 20 રૂપિયા ભરવા ભરશે. 

IPPB ડેસ્કટોપ બેંકિંગ સેવા ઓનલાઇન કેવી રીતે કરશો બુક?
ડેસ્કટોપ બેંકિંગ સુવિધાનો લાભ ઉઠાવવા માટે તમે પોસ્ટ ઓફીસનાં કોલ સેંટર નંબર 155299 પર કોલ કરી બુકિંગ કરાવી શકો છો. IPPB વેબસાઈટ અનુસાર, તમે 11:00 AM થી 4:00 PM વચ્ચે સ્લોટ પસંદ કરી શકો છો. 

IPPBની ડેસ્કટોપ બેંકિંગ દ્વારા મળી શકશે આ સેવાઓ 

• રોકડ જમા/ વિથડ્રોલ 
• મની ટ્રાન્સફર 
• 24x7 ફંડ ટ્રાન્સફર 
• રીચાર્જ અને બિલ પેમેંટ 
• વીમા/ સામાન્ય વીમા/ મ્યૂચુઅલ ફંડની ખરીદી 
• આધારમાં મોબાઈલ નંબર અપડેટ 
• ડિજિટલ લાઈફ સર્ટીફિકેટ જનરેશન 
• સુકન્યા સમૃદ્ધિ, પીપીએફ, આરડી, પીએલઆઈ, આરપીએલઆઈમાં રોકાણ