ઓલરાઉન્ડર ક્રિકેટર હાર્દિક પંડ્યાએ નવા વર્ષની શરૂઆતમાં જ ગર્લફ્રેન્ડ નતાશા સ્ટાનકોવિક સાથે સગાઈ કરી લીધી. હવે ફેન્સની નજર ટીમ ઈન્ડિયામાં હાર્દિકના સાથી ખેલાડી કેએલ રાહુલની લવ લાઈફ પર છે. સૂત્રોના જણાવ્યા અનુસાર, કેએલ રાહુલ પણ એક બોલિવૂડ અભિનેત્રીના પ્રેમમાં છે. આ અભિનેત્રી બોલિવૂડના દિગ્ગજ એક્ટર સુનિલ શેટ્ટીની દીકરી અથિયા શેટ્ટી છે.
લગભગ 2 વર્ષથી અથિયા અને કેએલ એકબીજાને ડેટ કરી રહ્યા છે
અથિયાના પિતા સુનીલને પસંદ છે કેએલ
અથિયાએ થાઈલેન્ડમાં કેએલ સાથે સેલિબ્રેટ કર્યું હતું ન્યૂ યર
જે લોકો કેએલ રાહુલને ઈન્સ્ટાગ્રામ પર ફોલો કરે છે તેમને આ વાત જાણીને આશ્ચર્ય નહીં થાય, કારણ કે, આ કપલમાં લગભગ 2 વર્ષથી ગાઢ મિત્રતા છે અને આ બંને સોશિયલ મીડિયા પર એકબીજાની પ્રશંસા કરતાં જોવા મળે છે. આ કપલ વિશે એવા પણ સમાચાર છે આ બંને ન્યૂ યર સેલિબ્રેશન માટે નજીકના મિત્રો સાથે થાઈલેન્ડ ગયા હતા. આ કપલથી જોડાયેલા એક નજીકના સૂત્ર પ્રમાણે, રાહુલ અને અથિયા લાંબા સમયથી મિત્ર છે અને બંનેની કેમિસ્ટ્રી જબરદસ્ત છે.
આ કપલનું સેન્સ ઓફ હ્યૂમર પણ ક્રેઝી છે અને તેમનાથી જોડાયેલા મોટાભાગના લોકોને એવું લાગે છે કે, આ બંનેની મિત્રતા પ્રેમમાં પરિવર્તિત થઈ રહી છે. બંને કેટલાક સમયથી એકબીજાને ડેટ કરી રહ્યાં છે. એકબીજાને પોતાના શેડ્યૂલ જણાવે છે જેથી એક બીજા સાથે વધુને વધુ સમય પસાર કરી શકે. એવા પણ સમાચાર છે કે અથિયાની ફેમિલીને પણ રાહુલ પસંદ છે. અથિયાના ડેડ સુનિલ શેટ્ટી, મમ્મી માના અને ભાઈ અહાનને રાહુલ ખૂબ જ પસંદ છે અને આ સ્ટાઈલિશ ક્રિકેટરને સપોર્ટ પણ કરી રહ્યાં છે.
આ બંનેની કેમિસ્ટ્રીના ચર્ચા પહેલાં પણ ઘણીવાર સામે આવી ચૂક્યા છે. ત્યારે એક ઈન્ટરવ્યૂમાં કેએલને તેની લવલાઈફને લઈને સવાલ પૂછવામાં આવ્યો હતો ત્યારે તેણે કહ્યું, મેં મારી પર્સનલ લાઈફને પર્સનલ રાખવાનું શીખી લીધું છે અને હું આ અંગે કોઈ જ વાત કરવા નથી માગતો. જોકે, ક્રિકેટરે એવું પણ નહોતું કહ્યું કે તે સિંગલ છે. પણ હવે ફેન્સ અથિયા અને કેએલની સગાઈ અને બંને સંબંધોને જાહેરમાં સ્વીકારે તેની રાહ જોઈ રહ્યાં છે.