સમાધાનના પ્રયાસ / બસ હવે ખેડૂત આંદોલન પૂરું થઈ જશે, જો આવું થયું તો બંને પક્ષે સહમતી સધાય તેવા એંધાણ

• હવે ખેડૂત આંદોલન સમાપ્ત થવાની શક્યતા
• સરકાર અને ખેડૂત સંગઠનો વચ્ચે અનેક મુદ્દા પર સૈદ્ધાંતિક સહમતિ બની
• લખીમપુર મામલામાં ગૃહ રાજ્ય મંત્રીના રાજીનામાની માંગ પર વધુ ભાર ના આપશો 

સરકાર અને ખેડૂત સંગઠનો વચ્ચે સૈદ્ધાંતિક સહમતી બની

જેના પર બંને વચ્ચે વાતચીત થઇ શકે છે. સૂત્રો મુજબ, પડદા પાછળ થયેલી વાતચીતમાં  સરકાર અને ખેડૂત સંગઠનો વચ્ચે અનેક મુદ્દા પર સૈદ્ધાંતિક સહમતિ બની છે. મસલન  લખીમપુર મામલામાં ગૃહ રાજ્ય મંત્રી અજય ટેનીના રાજીનામાની માંગ પર વધુ ભાર ન આપવાનો ભરોસો આપ્યો છે. એમએસપીને લઇને રચના કરાયેલી કમિટીમાં નોંધાયેલા કેસ પાછા લેવા માટે સહમતિ દર્શાવાઈ છે.

સહાય પર મંથન

આંદોલન સમાપ્ત કરવાની રાહમાં સૌથી મોટી અડચણ 700થી વધારે ખેડૂત પરિવારોની સહાય છે. સૂત્રોનું કહેવુ છે કે સરકાર તેના માટે રાજી છે. પરંતુ સહાય આપવાના ફોર્મ્યુલા પર અત્યારે મંથન ચાલુ છે. એક ફોર્મ્યુલા એવી પણ હતી કે તેને રાજ્યો પર છોડી દેવામાં આવે. એવામાં ઉત્તર પ્રદેશ, હરિયાણાની સરકાર આ ઉદ્દેશ્યની જાહેરાત કરે. પંજાબ સરકારે પહેલાં આ ખેડૂત પરિવારોને સહાય આપવાની જાહેરાત કરી દીધી છે.

જલ્દી ઉકેલ લાવવા માંગે છે સરકાર

સૂત્રોનું કહેવુ છે કે કૃષિ કાયદાની વાપસી બાદ સરકાર હવે ખેડૂત આંદોલનનો જલ્દી ઉકેલ લાવવા માંગે છે. ભાજપની મુખ્ય ચિંતા પશ્ચિમ ઉત્તર પ્રદેશ છે. જ્યાં ખેડૂત એક વર્ષથી આંદોલનમાં સક્રિય છે. પાર્ટી ઈચ્છે છે કે કારણકે રાજ્યમાં ફેબ્રુઆરી-માર્ચમાં વિધાનસભા ચૂંટણી થવાની છે. એવામાં ટૂંક સમયમાં આ વિવાદને સમાપ્ત કરવામાં આવે.