ચકચાર / આફ્રિકી દેશ યુગાન્ડામાં ખેડાના યુવાનની હત્યા, આરોપી પોલીસકર્મીની કરાઈ ધરપકડ

• ખેડાના યુવકની વિદેશમાં હત્યા
• સ્થાનિક પોલીસે જ કરી હત્યા
• કુતજ પટેલનું સારવાર દરમિયાન મોત  

 ફરી એક વખત વિદેશમાં ગુજરાતી યુવાનણ હત્યા કરવામાં આવી છે. ખેડાના ઠાસરાના યુવકની આફ્રિકાના દેશ યુગાન્ડામાં હત્યા કરવામાં આવતા ચકચાર મચી જવા પામી છે. બે દિવસ પહેલા કિસોરોમાં કુતજ પટેલ નામના યુવકને ગોળી મારી હતી.  જેને લઇને ગુજરાતી યુવાનને ગંભીર ઇજા થવા સારવાર માટે હોસ્પિટલમાં દાખલ કરવામાં આવ્યો હતો. જ્યાં સારવાર દરમિયાન યુવાનનું મોત નીપજ્યું હતું. યુવકની હત્યા બાદ પોલીસે આરોપી પોલીસકર્મીની ધરપકડ કરી તપાસ શરૂ કરી છે. જો કે સ્થાનિક પોલીસે જ યુવકને કેમ ગોળી મારી તેને લઈને હજુ પણ રહસ્યા અકબંધ રહ્યું છે.

પરિવાર પર આભ તૂટી પડ્યું
જાણવા મળતી વિગત અનુસાર મૃતક યુવાન યુગાન્ડામાં કુંતજ માસીના ગ્રોસરી સ્ટોરમાં સેલ્સમેન તરીકે નોકરી કરતો હતો. આ દરમિયાન નોકરી પૂરી કરી કુંતજ સ્ટોરથી ઘરે જઈ રહ્યો હતો. આ દરમિયાન અજાણ્યા યુવાન છાતીમાં ગોળી ધરબી ફરાર થઇ ગયા હતા. ત્યાંરબાદ યુવાનનું સારવારમાં મોત નીપજ્યું હતું. આ અંગે કુંતજના મોતના સમાચાર મળતાં વતનમાં પરિવાર પર આભ તૂટી પડ્યું છે.

આરોપી પોલીસકર્મીની કરાઈ ધરપકડ
રિપોર્ટ અનુસાર ખેડાના સાંઢેલી ગામના કુતજના 4 વર્ષ અગાઉ જ લગ્ન થયા હતા. લગ્નબાદ બંને યુગાન્ડામાં વસવાટ કરતા હતા. આ મામલે યુગાન્ડા પોલીસને જાણ કરાતા પોલીસ ઘટનાસ્થળે પહોંચી તપાસ હાથ ધરી હતી. જેમાં યુવાનનો હત્યારો પોલીસ કર્મી જ હોવાનું સામે આવ્યું હતું.  જેને લઇને પોલીસે આરોપી કોન્ટેબલને દબોચી લઇ પુછપરછ આરંભી છે.