BIG NEWS / હવેથી રાજીવ ગાંધી નહીં મેજર ધ્યાનચંદ ખેલરત્ન એવોર્ડ કહેવાશે, PM મોદીએ કહ્યું, નાગરિકોની ઈચ્છાને ધ્યાનમાં રખાઈ

પ્રધાનમંત્રી નરેન્દ્ર મોદીએ આ માહિતી આપી હતી. તેમણે કહ્યું કે મને ભારતભરના નાગરિકો તરફથી મેજર ધ્યાનચંદના નામે ખેલ રત્ન એવોર્ડ આપવા માટે ઘણી વિનંતીઓ મળી રહી છે. તેમની ભાવનાનું સન્માન કરતા, ખેલ રત્ન એવોર્ડ મેજર ધ્યાનચંદ ખેલ રત્ન એવોર્ડ તરીકે ઓળખાશે. 

देश को गर्वित कर देने वाले पलों के बीच अनेक देशवासियों का ये आग्रह भी सामने आया है कि खेल रत्न पुरस्कार का नाम मेजर ध्यानचंद जी को समर्पित किया जाए। लोगों की भावनाओं को देखते हुए, इसका नाम अब मेजर ध्यानचंद खेल रत्न पुरस्कार किया जा रहा है।

जय हिंद!

— Narendra Modi (@narendramodi) August 6, 2021

મેજર ધ્યાનચંદને જાણો

• હોકીના જાદુગર તરીકની ઓળખ ધરાવે છે
• જર્મનીનો સરમુખત્યાર એડોલ્ફ હીટલર ધ્યાનચંદનો ચાહક હતો
• હીટલરે ધ્યાનચંદને જર્મન આર્મીમાં ઉચ્ચ પદની ઓફર કરી હતી
• ધ્યાનચંદના મોટાભાઈ રૂપસિંહ પણ જાણીતા હોકી ખેલાડી હતા
• ધ્યાનચંદ હોકીમાં હંમેશા સેન્ટર ફોરવર્ડ પોઝિશનમાં રમતા
• 1926 થી 1949 સુધી ધ્યાનચંદ હોકી ક્ષેત્રે સક્રિય રહ્યા
• ધ્યાનચંદે 185 મેચમાં 570 ગોલ ફટકાર્યા છે
• 1956માં સરકારે ધ્યાનચંદને પદ્મભૂષણ એવોર્ડથી નવાજ્યા
• ધ્યાનચંદના જન્મદિવસે ભારતમાં નેશનલ સ્પોર્ટસ ડે તરીકે ઉજવાય છે

હોકીના જાદૂગર તરીકે પામ્યા ઓળખ

હોકીના જાદૂગર તરીકે ઓળખાતા મેજર ધ્યાનચંદનું હોકીમાં નોંધપાત્ર પ્રદાન રહ્યું છે. તેમણે પોતાની અંતિમ ઓલિમ્પિકમાં (બર્લિન 1936)માં 13 ગોલ ફટકાર્યા હતા. આમ એમ્સર્ડમ, લોસ એન્જલસ અને બર્લિન ઓલિમ્પિક મળીને ધ્યાનચંદે 39 ગોલ કર્યા હતા. 

 1991-92માં શરૂ કરાયો હતો એવોર્ડ

તેમના જન્મદિવસની ભારતમાં રાષ્ટ્રીય રમત દિવસ તરીકે ઉજવણી કરવામાં આવે છે. આ દિવસે રમતમાં મોટું યોગદાન આપનાર સર્વોચ્ચ રમત સન્માન સિવાય અર્જૂન અને દ્રોણાચાર્ય પુરસ્કાર એનાયત કરવામાં આવે છે. આ એવોર્ડની શરૂઆત 1991-92માં કરવામાં આવી હતી.