VIDEO: IPS અધિકારીના નામે યુવતીનું અપહરણ કરી દુષ્કર્મ આચરવાની ધમકી આપનાર વિરૂધ્ધ નોંધાઇ ફરિયાદ

ખેડાના કઠલાલમાં નકલી IPS ઓફિસરે યુવતીને ધમકી આપી હતી. IPS તરીકે ઓળખ આપી યુવતીને બળાત્કારની ધમકી આપી હતી. સોશિયલ મીડિયા પર IPS અધિકારીનો ફોટો રાખી કરતો ચેટીંગ કરતો હતો. સુરતના કૃણાલ પટેલે નકલી IPS અધિકારી બની ધમકી આપતો હતો. સોશિયલ મીડિયાના માધ્યમથી યુવતી સાથે મિત્રતા કેળવી હતી. કઠલાલ પોલીસ સ્ટેશનમાં યુવતીએ ફરિયાદ નોંધાવી હતી.  

આ ઘટનાની મળતી વિગત પ્રમાણે કઠલાલની રહેવાસી અને અમદાવાદની ખાનગી કંપનીમાં નોકરી કરતી યુવતી સાથે સોશિયલ મીડિયા ફેસબુક ઉપર સુરતના IPS કૃણાલ પટેલ નામના આઈડી ઉપર ફ્રેન્ડ બન્યા હતા છેલ્લા ૧૫ દિવસથી ૨૨ વર્ષીય યુવતીને ફોન કરી વારંવાર બીભત્સ માંગણી કરી હતી અને માંગણીઓ ના સંતોષવામાં આવતા ૩ એપ્રિલના રોજ યુવતીને અપહરણ કરી બળાત્કાર કરવાની ધમકી આપી હતી.

આ સાથે યુવતીના ઘરે પોલીસના માણસો મોકલીને પરિવારની ઉપર ખોટા કેસ કરી બરબાદ કરવાની ધમકી આપી આપતા ભયમાં આવેલ યુવતી અને તેના પરિવારે કરી કઠલાલ પોલીસ સ્ટેશનમાં ફરિયાદ કરી છે ફરિયાદ ના પગલે પોલીસે તપાસ નો ધમધમાટ શરુ કરી દીધો છે.

આ સાથે જે IPS કૃણાલ પટેલની ઓળખ આપનાર કોઈ બદમાસ છે જેને ખોટું આઈડી બનાવ્યું છે અને પોલીસની ઓળખ આપીને યુવતીને હેરાન કરતો હોવાનું અનુમાન લગાવી રહી છે સાથે આવો કોઈ કૃણાલ પટેલ ગુજરાતમાં આઈપીએસ અધિકારી નથી તેમ પણ જણાવ્યું હતું ત્યારે પોલીસના ઉચ્ચ અધિકારીના નામે યુવતીને હેરાન કરી ધમકી આપવાના બનાવને લઇ ચકચાર મચી ગઇ છે.