પેટ્રોલ-ડીઝલના ભાવ વધારા સામે વિરોધ, ખંભાળીયાના ધારાસભ્ય વિક્રમ માડમ સહિત જિલ્લાના કોંગ્રેસના આગેવાનો દ્વારા બળદગાડામાં વિવિધ બેનરો સાથે વિરોધ કરી જિલ્લા કલકેટરને આવેદનપત્ર આપ્યું
ગુજરાતમાં ઠેર-ઠેર કોંગ્રેસ દ્વારા પેટ્રોલની વધતી કિંમતનો વિરોધ
ખંભાળિયામાં કોંગ્રેસ MLAએ ગાડામાં રેલી યોજી કર્યો વિરોધ
વિરોધ કરી જિલ્લા કલકેટરને આવેદનપત્ર પાઠવ્યું હતું
દેવભૂમિ દ્વારકા જિલ્લાના મુખ્ય મથક ખંભાળીયા ખાતે આજરોજ દેવભૂમિ દ્વારકા જિલ્લા કોંગ્રેસ દ્વારા પેટ્રોલ-ડીઝલના ભાવ વધારા સામે વિરોધ નોંધાવ્યો હતો. ખંભાળીયાના ધારાસભ્ય વિક્રમ માડમ સહિત જિલ્લાના કોંગ્રેસના આગેવાનો દ્વારા બળદગાડામાં વિવિધ બેનરો સાથે વિરોધ કરી જિલ્લા કલકેટરને આવેદનપત્ર પાઠવ્યું હતું.
દેવભૂમિ દ્વારકા જિલ્લાના મુખ્ય મથક ખંભાળીયા ખાતે આજ રોજ જિલ્લા કોંગ્રેસ દ્વારા વિવિધ બેનરો સાથે પેટ્રોલ-ડીઝલના ભાવ વધારા સામે વિરોધ નોંધાવ્યો હતો. જેમાં ખંભાળીયાના કોંગ્રેસી ધારાસભ્ય વિક્રમ માડમ સહિત દેવભૂમિ દ્વારકા જિલ્લા કોંગ્રેસ પ્રમુખ અને કોંગ્રેસના આગેવાનો કાર્યકરો ઉપસ્થિત રહ્યા હતા. છેલ્લા કેટલાય સમયથી પેટ્રોલ અને ડીઝલના ભાવ સતત વધી રહ્યા છે. જેને લઈ હવે પેટ્રોલ 100 રૂપિયા સુધી પહોંચી ચૂક્યું છે અને તેને હવે કોંગ્રેસ દ્વારા વિરોધ કરવામાં આવી રહ્યો છે. ત્યારે દ્વારકા જિલ્લાના ખંભાળીયા ખાતે પણ ધારાસભ્ય વિક્રમ માડમ દ્વારા બળદગાડામાં સવાર થયા હતા અને વિવિધ બેનરો સાથે સૂત્રોચ્ચાર કરી સરકારનો વિરોધ કરવામાં આવ્યો હતો. જિલ્લા કલેકટર કચેરીમાં બળદગાડામાં જઈને પેટ્રોલ-ડીઝલના ભાવમાં સતત વધારો થયો હોવાને લઇ આવેદનપત્ર પાઠવ્યું હતું.