KGF સ્ટાર યશ અને પત્ની રાધિકા પંડિતને ત્યાં બીજા બાળકનો જન્મ થયો છે. કન્નડ ફિલ્મ ઇન્ડસ્ટ્રીના પાવર કપલના ઘરે દિકરાનો જન્મ થયો છે. રાધિકા પંડિતે બેંગ્લોરની એક ખાનગી હોસ્પિટલમાં દિકરાને જન્મ આપ્યો છે. યશ અને રાધિકાની પહેલી દિકરીનો જન્મ 2 ડિસેમ્બર 2018મા થયો હતો. ત્યારે હવે દિકરીને ભાઇબીજાના દિવસે એક નાનકડો ભાઇ મળ્યો છે.
આ પહેલા KGF સ્ટાર યશે પોતાના ઑફિશ્યલ સોશ્યલ મીડિયા એકાઉન્ટ પર વીડિયો શૅર કરતા દિવાળીની શુભકામનાઓ આપી હતી. જેમાં તેની સાથે તેની પત્ની અને દિકરી આયરા હતી. વીડિયો શૅર કરતા એક્ટરે લખ્યુ કે, અમારી દિકરીની આ પહેલી દિવાળી છે. આનાથી વિશેષ શું હોઇ શકે. અમારા સૌ તરફથી હેપ્પી દિવાળી. અરે.. આયરાને પણ કંઇક ખાસ કહ્યુ. તમને સમજાયુ?
થોડા સમય પહેલા જ રાધિકાની ગર્લ ગેંગે તેના માટે સરપ્રાઈઝ બેબી શાવરનું આયોજન કર્યુ હતુ. નાનકડી આયરા આ બેબી શાવર પાર્ટીમાં આકર્ષણનું કેન્દ્ર રહી હતી. રાધિકાએ જણાવ્યુ કે, મારી બીજી પ્રેગ્નેન્સી મને સરળ લાગે છે. કારણકે આ બધું જ પહેલા અનુભવી ચૂકી છું.'' આયરાની સાથે હવે રાધિકા દીકરાના ઉછેરમાં વ્યસ્ત રહેશે.