બમ્પર કમાણી / KGF એ તો બોક્સ ઓફિસ પર ભુક્કા બોલાવી દીધા, RRR ને પણ પછાડી, 750 કરોડનો આંકડો કર્યો પર

• ફિલ્મ કેજીએફ 2ની સફળતાનો રથ પૂર્ણ રફ્તારમાં
• રીલીઝના પહેલા અઠવાડિયામાં 268.63 કરોડ રૂપિયાની કરી કમાણી
• ફિલ્મ RRRની અત્યાર સુધીની કમાણીથી વધુ થઇ

ફિલ્મ કેજીએફ ચેપ્ટર 2નું શાનદાર કલેક્શન

ફિલ્મના હિન્દી સંસ્કરણે રીલીઝના પહેલા અઠવાડિયામાં 268.63 કરોડ રૂપિયાની કમાણી કરીને કોઈ પણ હિન્દી ફિલ્મની કમાણીથી વધુ કમાણી કરવાનો રેકોર્ડ બનાવ્યો છે. હવે ફિલ્મની કમાણી એસએસ રાજામૌલીની ફિલ્મ આરઆરઆરની અત્યાર સુધીની કમાણીથી વધુ થઇ છે. ફિલ્મની વર્લ્ડવાઈડ કમાણી પણ 750 કરોડ રૂપિયાથી ઉપર જતી રહી છે. રીલીઝના પહેલા અઠવાડિયામાં ફિલ્મ કેજીએફ 2એ શાનદાર કલેક્શન કર્યુ. ગુરૂવારે રીલીઝ થયેલી આ ફિલ્મે રીલીઝના પહેલા આઠ દિવસમાં જ તમામ રેકોર્ડ બનાવી નાખ્યો. ફિલ્મના નવમા દિવસે એટલેકે રીલીઝ થયાના બીજા શુક્રવારે પણ કલેક્શન સારું રહ્યું છે. ફિલ્મે શુક્રવારે લગભગ 19 કરોડ રૂપિયાનુ નેટ કલેક્શન પ્રારંભિક આંકડાના હિસાબથી કર્યુ છે. ફિલ્મે હિન્દી ભાષામાં શુક્રવારે અંદાજે 12 કરોડ રૂપિયા કમાયા છે. આ સિવાય કન્નડમાં 4 કરોડ, તેલુગુમાં 2 કરોડ, તામિલમાં લગભગ 4 કરોડ, મલયાલમમાં અંદાજે બે કરોડ રૂપિયાની કમાણી કરી છે. આ આંકડામાં અંતિમ સંખ્યા ના આવે ત્યાં સુધી થોડો મોટો ફેરફાર થઇ શકે છે. 

ફિલ્મ RRRની ચમકને પણ ફિક્કી પાડી દીધી

પોતાની સતત ઉમદા કમાણીને પગલે ફિલ્મ કેજીએફ ચેપ્ટર 2એ ફિલ્મ આરઆરઆરની ચમકને પણ ફિક્કી કરી દીધી છે. ફિલ્મ આરઆરઆરને યશની ફિલ્મે દરરોજ મ્હાત આપી દીધી છે. ફિલ્મ આરઆરઆરનુ બૉક્સ ઑફિસ સફર જો દિવસ મુજબ જોઈએ તો હિન્દી ભાષામાં 50 કરોડ રૂપિયાની કમાણીનો આંકડો રીલીઝના ત્રીજા દિવસે, 100 કરોડ રૂપિયાનો આંકડો રીલીઝના પાંચમા દિવસે, 150 કરોડ રૂપિયાની કમાણીનો આંકડો નવમા દિવસે, 200 કરોડ રૂપિયાની કમાણીનો આંકડો રીલીઝના 17મા દિવસે અને 250 કરોડ રૂપિયાની કમાણીનો આંકડો રીલીઝના 23મા દિવસે પાર કર્યો. ફિલ્મ કેજીએફ ચેપ્ટર 2એ કમાણીના બધા તબક્કા રીલીઝના પહેલા અઠવાડિયામાં પાર કરી નાખ્યાં છે.