મોબાઇલ ચાર્જિંગ માટે એરપોર્ટ, રેલ્વે સ્ટેશન, હોટલ, સાર્વજનિક રેસ્ટ રૂમ્સ સહિતના સ્થળોએ યુએસબી પોર્ટ લગાવવામાં આવે છે. જેનો મોટી સંખ્યામાં લોકો ઉપયોગ કરે છે. મોબાઇલ પર હેકર્સની નજર હોય છે ત્યારે આવા ચાર્જિંગ પોર્ટ પણ જોખમી બની શકે છે. બેટરી ચાર્જિંગ તમારું બેંક એકાઉન્ટ ખાલી કરી શકે છે. જા પાસપોર્ટ અને ઘરના સરનામાંઓ જેવી સંવેદનશીલ માહિતી ચોરી શકે છે.
જાહેર સ્થળોના આવા પોર્ટથી મોબાઇલને સિકયોર રાખવા હવે યુએસબી ડેટા બ્લોકર માર્કેટમાં આવી ગયા
જાહેર સ્થળોના યુએસબી પોર્ટનો સાયબર ગુનેગારો વ્યાપકપણે ઉપયોગ કરે છે
સાયબર નિષ્ણાતો પણ લોકોને 'યુએસબી કોન્ડોમ' વાપરવાની ભલામણ કરે છે.
જાણો "યુએસબી કોન્ડોમ" શું છે ?
જાહેર સ્થળોના આવા પોર્ટથી મોબાઇલને સિકયોર રાખવા હવે યુએસબી ડેટા બ્લોકર માર્કેટમાં આવી ગયા છે. જેને "યુએસબી કોન્ડોમ" નામ આપવામાં આવ્યું છે. ઉલ્લ્ખનીય છે કે જાહેર સ્થળોના યુએસબી પોર્ટનો સાયબર ગુનેગારો વ્યાપકપણે ઉપયોગ કરે છે. યુએસબી કોન્ડોમ તમારા મોબાઇલને 'જુસ જેકિંગ' થી બચાવે છે.
આ એક પ્રકારનો સાયબર એટેક છે જે મોબાઇલમાં યુએસબી પોર્ટ દ્વારા કરવામાં આવે છે. પોર્ટ દ્વારા મોબાઇલ પર માલવેર ઇન્સ્ટોલ કરવામાં આવે છે. જેનાથી હેક્ર્સ ડેટા ચોરી શકે છે અને મોબાઇલ પણ એકસેસ કરી શકે છે. યુએસબી કોન્ડોમ નાના યુએસબી એડપ્ટર્સ જેવા હોય છે.
જેમાં ઇનપુટ અને આઉટપુટ પોર્ટ હોય છે.
આ એડપ્ટર મોબાઇલને પાવર પૂરો પાડે છે પરંતુ ડેટા ટ્રાન્સફરને બ્લોક કરે છે. આ ડિવાઇસ અમેરિકામાં 10 ડોલર (714 રૂપિયા)માં મળે છે. તે એટલું નાનું છે કે તમે તેને ક્યાંય પણ લઈ શકો છો. ભારતમાં તે ઓનલાઇન 500 થી 1000 રૂપિયામાં મળે છે. આઇબીએમના સાયબર સિક્યુરિટી રિપોર્ટ અનુસાર માલવેર કમ્પ્યુટિંગ પાવર હાઇજેક કરી શકે છે અને તમારો મોબાઇલની સ્પીડ ઘટી જાય છે. અહેવાલમાં સંવેદનશીલ ડેટાની ચોરીના જોખમો વિશે પણ વાત કરવામાં આવી છે. સાયબર નિષ્ણાતો પણ લોકોને 'યુએસબી કોન્ડોમ' વાપરવાની ભલામણ કરે છે.