ટીવીના સૌથી ચર્ચિત ગેમ શો કૌન બનેગા કરોડપતિની(Kaun Banega Crorepati Season 11) 11 મી સીઝન સોમવારે રાત્રે 9 વાગ્યે શરૂ થઈ છે. 11 મી સીઝનની શરૂઆત અમિતાભ બચ્ચને અદભૂત કવિતાથી કરી હતી. આ કવિતાની સાથે તેમણે આ શોમાં ભાગ લેનારા સ્પર્ધકોને પણ પ્રોત્સાહન આપ્યું હતું. શો દરમિયાન અમિતાભે ફાસ્ટેસ્ટ ફિંગર ફર્સ્ટનો સવાલ પૂછ્યો હતો જે 2019 માં વિવિધ ઘટના પર આધારિત હતો.
ગુજરાતી સ્પર્ધકે જીત્યો પ્રથમ ફાસ્ટેસ્ટ ફિંગર રાઉન્ડ
ઉલ્લેખનીય છે કે, 11 મી સીઝનને પ્રથમ ફાસ્ટેસ્ટ ફિંગર રાઉન્ડ એક ગુજરાતી સ્પર્ધકે જીત્યો હતો. અમિતાભ બચ્ચન સાથે રમનાર પહેલા કન્ટેસ્ટન્ટ અમિત રમેશભાઇ જીવનાણી છે. તેઓ એક ટીચર અને પૂર્વ જીમ ટ્રેનર પણ રહી ચૂક્યા છે. રમેશભાઇ પાલિતાણા ગામના વતની છે. તેઓ પોતાના પિતા સાથે રહે છે અને શો દરમિયાન તેમણે જણાવ્યું કે, અમિતાભ બચ્ચાનની એક ફિલ્મ જોઇને તેમના જીવનમાં મોટું પરિવર્તન આવ્યું છે.
રમેશભાઇને પિતા સાથે છે અનોખો લગાવ
નોંધનીય છે કે, રમેશભાઇ પોતાના પિતાની સાથે રહે છે કારણ કે, તેમને પિતા સાથે ખાસ લગાવ છે. તેમને જમવાનું બનાવવાનો ભાર લાગતો નથી. પરંતુ તેમને તે વાતનો આનંદ છે કે, તેના પિતા દીકરાના હાથે બનાવેલી રસોઇના વખાણ કરે છે.
બાગબાનના એક ડાયલોગ દ્વારા બદલાઇ જિંદગી
રમેશભાઇએ જણાવ્યું કે, અમિતાભ બચ્ચનની બાગબાન ફિલ્મ જોયા બાદ તેનું જીવન બદલાઇ ગયું. ફિલ્મમાં આવેલ એક ડાયલોગ કે, જ્યારે માતા-પિતા પોતાના બાળકને પહેલુ પગલું ભરવામાં મદદ કરે છે તો માવતરના અંતિમ પગલ ભરવામાં બાળકો તેમની મદદ કેમ નથી કરતા.
આ ડાયલોગથી રમેશ ભાઇના જીવનમાં મોટું પરિવર્તન આવ્યું હતું. રમેશભાઇ ફાસ્ટેસ્ટ ફિંગરનો રાઉન્ડ જીત્યા બાદ અમિતાભ બચ્ચન સામેની હોટ સીટ પર ગોઠવાયા હતા જેમાં તેમને નીચ મુજબના સવાલ પૂછવામાં આવ્યા હતા.
પ્રથમ પ્રશ્ન- કયા સ્થાનનું નામ મણિકર્ણિકા ધ ક્વીન ઓફ _ રાખવામાં આવ્યું છે?
સાચો જવાબ છે- ઝાંસી
બીજો પ્રશ્ન- હિન્દી રૂઢીપ્રયોગ નવ બે અગિયાર ઉમેર્યા પછી કયો નંબર આવે છે?
સાચો જવાબ - 22
ત્રીજો પ્રશ્ન- ભારતીય મીડિયા દ્વારા ભારતીય ક્રિકેટ ટીમના આ પ્રશંસકને શું નામ આપવામાં આવ્યું છે.
સાચો જવાબ - સુપર દાદી
ચોથો પ્રશ્ન - ભારતીય પરાણિક માન્યતા અનુસાર, કોને કલ્પતરુ અથવા પરીજાત કહે છે.
સાચો જવાબ - ઇચ્છા વૃક્ષ
આઠમો પ્રશ્ન - આ ફિલ્મમાં પ્રિયંકા ચોપરાના પાત્રનું નામ શું છે?
સાચો જવાબ: કાશીબાઈ
નવમો પ્રશ્ન - આમાંથી કયા પ્રાણીમાં દૂધમાં સૌથી વધુ ચરબી હોય છે.
સાચો જવાબ - ભેંસ
એક લાખ 60 હજાર રૂપિયા માટે દસમો પ્રશ્ન - ટી 20 આંતરરાષ્ટ્રીય ક્રિકેટમાં કઇ ટીમે 278 રનનો વર્લ્ડ રેકોર્ડ બનાવ્યો છે?
સાચો જવાબ: અફઘાનિસ્તાન
KBCની ટ્યૂનમાં થયો બદલાવ
આપને જણાવી દઇએ કે, દસમાં પ્રશ્નનો જવાબ રમેશભાઇએ ખોટો આપતા તેઓ એલિમિનેટ થયાં હતા, અત્રે જણાવી દઇએ કે, KBC ની 11 મી સીઝનમાં 16 સવાલ પૂછવામાં આવશે જેમાં કોઇપણ કન્ટેસ્ટન્ટ 7 કરોડ રૂપિયા જીતી શકે છે. આ સિવાય શોમાં ઉપયોગમાં આવતી લાઇફલાઇનમાં પણ બદલાવ જોવા મળ્યો છે. ચાલુ વર્ષે શોની ટ્યૂનમાં બદલાવ કરવામાં આવ્યો છે. આ ટ્યૂનને સૈરાટ અને ધડક ફિલ્મના કંપોઝર અતુલ-અજયે તૈયાર કરી છે.