કાવ્યાની નજીક આવે છે અનિરુદ્ધ
ગયા એપિસોડ્સમાં બતાવવામાં આવ્યુ હતુ કે કાવ્યાએ રાખીને ધમકી આપી હતી કે શાહ હાઉસની વહુ બનતાની સાથે જ તે તેની દીકરી કિંજલનું જીવવુ હરામ કરી દેશે. આ ડરથી જ રાખી ઇચ્છે છે કે અનુપમા ક્યારેય ઘર ન છોડે. કાવ્યા ખુબ પરેશાન છે કારણકે વનરાજ તેની તરફ કોઇ ધ્યાન નથી આપી રહ્યો. આવામાં કાવ્યા પાસે અનિરુદ્ધ આવી રહ્યો છે અને તેને પાછી તેની લાઇફમાં લાવવા પ્રયત્ન કરી રહ્યો છે.
ઘરના લોકો સામે આવશે સત્ય
આ વચ્ચે એક પ્રોમો સામે આવ્યો છે જેને જોઇને લાગે છે તે અનુપમાના જીવનમાં ભૂકંપ આવી જશે. કાવ્યા પરિવાર સામે અનુપમા અને વનરાજના સંબંધની સચ્ચાઇ કહી દેશે. તે વીડિયોમાં અનુપમા અને વનરાજ બાઇક પર બેસીને વાત કરી રહ્યાં છે કે ઘરના લોકોને છૂટાછેડા વિશે ક્યારે કહેવું છે.
કાવ્યા ખોલશે ભેદ
બીજી તરફ કાવ્યા ઘરે પહોંચી જાય છે અને જેવા અનુપમા અને વનરાજ ઘરે આવે છે કે તરત જ ઘરના લોકો સામે સત્ય કહી દે છે કે 3 દિવસ પછી વનરાજ અને અનુપમા ડિવોર્સ લઇ રહ્યાં છે. કાવ્યા કહેશે કે વનરાજ અને અનુપમા દુનિયાના સૌથી કુલ કપલ છે, જે ડિવોર્સ નજીક આવતા પિકનીક પર જઇ રહ્યાં છે. આવામાં પરિવારના લોકો પણ હેરાન થઇ જશે.